Samson a that kua hiam? ~ Zomi Quavadis

Samson a that kua hiam? ~ Zomi Quavadis

Delilah maw? Philistinate maw? A tunga nihte in Samson that lo uh hi. Samson pen amah leh amah a kithat ahihi cih hong gen nuam ka hihi. A thu kimtakin hong gen ning aw!

Philistine te mi 10,000 in a laihuan uh zongin Samson pen zo lo ding uh hi. Bang hang hiam cih leh ama thahatna pen Pasian thahatna hi a, leitung galkapte thahatna tawh cikmah a zawh ngei ding hi lo hi.

Samson pen Philistine te lauh ngiat dingin Pasian in a piansak ahihi. a khut guak tawh humpi that hi. Philistine te khuapi dalna kongpi liik khia in a liangko ah pua a, tai 46 gamla paipih zo hi. Sakol khaguh tawh a gaalte 300 val that hi. Namsau zang hizen leh bangzah a that tam?

Tua hileh Samson a that pen kua hi mawk ding hiam cih dotna pen hih ahihi. Samson a that pen Samson mah ahihi. Midang hi lo hi.

Mihingte gaal lian penin midang hilo hi. Ka gaal lian penin keimah ka hihi. Ka gaalte in kei tungah hong bawl theih loh pen kei mahin kei tungah ka bawl thei hi.

Samson zong amah leh amah akithat ahihi. Delilah ang sungah a lup laitakin ama thahatna thusim pen ama kam ngiat panin gen khia mawk hi. Amah in sep theih hau mahmah a, ahizongin a sep taktak tam het lo hi.

Nang hong sia sak pen midang hilo a, nangmah na hihi. Nang siatna pen Pasian ngawh kei in. Gam uk kumpite ngawh kei in. Na nulehpate, na pu na pate ngawh kei in. Nang nuntakna pen a sia sak thei, a hoihsak thei nangmah na hihi.

More: A kikhel lo Pasian in Zomite thu ong hilh ~ Pau Khat Suan

A thahat mahmah Goliath in David lel hi. David siatna pen numei dang tawh a mawh khakna hang ahihi. Amah leh amah kisusia hi. Tua zah cipak ni. Lai Siangtho siam mipilte gelh ka hong lehkhiat ahihi. Zomi Quavadis