Russia in Philippines ah Tembaw nih hawhsak

Russia in Philippines ah Tembaw nih hawhsak

Jan. 6, 2016: Russia in Philippines ah teembaw nih sawl a, Indonesia navyte tawh Russian marines ten galdo dingzia sin khawmna nei dingun ki-ummawh hi.

Philippines President Duterte in US tawh kizopna beisakna ding leh Russia leh China tawh kitanauna bawl ding a tangko phalphal lai takin Russian Pacific Fleet deputy commander Rear Adm. Eduard Mikhailov in ni nga sung om dingin “goodwill visit” kici in Philippine gamah Russian marines pawl khat leh kidona teembaw nih tawh va hawhpih hi. Russia in a teembaw paipihte lakah tuinuai teembaw kapna anti-submarine ship kici khat kihel hi.

Rear Adm. Eduard Mikhailov in US tawh kipawl ding na ut uh leh na teel theih uh hi a, Russia tawh kipawl ding na ut uh zong na teel thei uh hi. Ahih hangin Russia tawh kipawl le uh cin na kisapna khempeuh uh-ah huhna kong pia thei ding uh a, galdo ding zia sin khawmna (military drill/exercise) zong i neih banah galdo dan “combat system” zat ding zia leh a tuamtuam i neih khawm thei ding hi ci-in Manila khuapi-a teembaw khawlna ah welcoming ceremony khit in ci hi.

More: New York ah meileng tuahsia, Passenger mi 100 val liam

Russian marines ten zong Manila khuapi ah a siamna uh pawl khat lahna nei uh hi. Source: Navy Times and The Guardian/ Thang Khan Lian