Rohingya te vaitawh kisai in Kawlgam leh Bangladesh kimuh khopna

Rohingya te vaitawh kisai in Kawlgam leh Bangladesh kimuh khopna

Bangladesh vaitawh kisai in thuvanding kawlgam pan akiseh thak Ulian U Lawn U pen nipikhuavak ni in Bangladesh lampan thuvaihawm pi Ulian Ah Mahmood Ali tawh kimuh khopna nei in Rohingya vai tawh kisai thu aizong gamnih kizopna zia zong kikupkhop holimna nei thei uh hi.

Thu kikupkhop na aman uh ciang in, gamnih kizopna khantot nading ahoihpen in hanciam to ding cih Kawlgam Ulian U Lawn U in pulak khia hi.

Bangladesh lam Ulian Ah Mahmood Ali in, dongtuak cimawh Rohingya minam te limtak in aom na ciat vuah puak kik ding bulphuhpi in kikum ung cih pulak khia hi.

Tua tawh aki zom to suak thu vai khat;

Bangladesh ah atung Nobel angah Numei thum Shirin Ebadi ,Tawakkol Karman leh Mairead Maguire tepen Cox’s Bazar ah dongtuak omna mun ah vapai uh in, thunei te leh gamuk kumpi te kiang ah zong vaki muh ding in gen khia uh hi.

Amau pen Rohingya numei te ading thulela vanpih ding in ahong pai hi ung ci in pulak khia uh hi.

Bangladesh Ulianpi patawh zong Sheikh Hasina tawh nithum ni ciang ki muhkhop ding gelin sehsa in nei ung cih Bangladesh news ah pulak khia uh hi. VoA, Tedim Times

Kawlpi kumpi-zato ah aki zat ding in Kalsawpna (ကျောက်ကပ် ဆေးစက်) setvan khat piakhia uh hi.

Sakai sung ah suangmeihol nesepnei piite’n kawlpizat ah akizang ding kalsawp na set leinading in US Dollars 12650 biak na 26.2.2018 zingsanglam in bawl uh hi.

A beisa uh in kalsawpna set thum aom sa leh tu a, aki piakbeh khat tawh kigawm kalsawpna (Kindey=ကျောက်ကပ် ဆေးစက်) set lii om hi cih ki thei hi. Kawpi zato ukpipa ahi Dr Aung Myo Win tung ah sumtang dallars apna nei uh hi cih thu kiza hi. IP RD, Tedim Times