RM3000 tawh a tanu ii Virginity azuaksak Malaysia nupinu kum 6 thong kiading

RM3000 tawh a tanu ii Virginity azuaksak Malaysia nupinu kum 6 thong kiading

Leitungbel thulamdang tawh akidim himawk ei. Malaysia nupi khatin atanu ii a nungak sianthona “Virginity” pen zuaksak cimawk hi. Virginity cihciang in numei khat pasal tawh lumkhawm nailo cihna ahihi. Virginity kizuak cihpen Europe gam leh US gamlam te ah kizazelzel a, tuabang in akizuak aki zazelzel tepen midang ii pumpi azuak uh hilo a, amau mahmah ii pumpi, amau mahmah ii numei van Virginity azuak uh ahihi.

Ahi zongin hih Malaysia gamsung ah thupiangpen ahihleh anu in atanu Virginity azuaksak cimawk hi. Tuabang in atanu ii Virginity pen RM3000 (US$961) tawh azuaksak kithei ahih manin, kiman a, Monday (January 23) ni in thukhenzum ah kum 6 thong kiading in thukhenmang te’n thupia uh ci Straits Times pan kiza hi.

Tuabang in anu in azuak atanu pen kum 13 bek phapan cihi. Lianhe Wanbao News te genkhiatna ah azuaksak anu ahihleh kum 47 phakhin ci a, Sarawak State sung aom Kuching City pan ahihi.

Hih thupiang pen akikan ciangin 2015 kumpek in thupiang ahihi. 17 September 2015 kumin anu in kum 13 bek aphapan atanu pen amau omna Kuching City panin Johor State sung aom Senai City ah vanleng tawh ahawhding in zinkhiatpih hi. Tua khuasung ah Hotel khatah zin tunpih a, zan 3 giak uhhi.

September 20 ni ciangin anu in atanu kiangah ih lupna Hotel Room sungah pasal khat honglut dinga, amau ii hongngek bangbang niallo in napia in cimawk hi. A tanu in tuabangding ukkeng acih hangin, anu in zawhthawh thutawh genpih teitei a, amahguak nusia hi.

Tuakhit asawtlo in pasal khat alupna sungah honglut takpi a, tua numeino kum 13 aphapan pen lupkhoppih hi. Numeino pen ut hetlo in, kitomgawp himah taleh luppih teitei ci’n China Press in genkhia hi.

Tuakhit ciangin nupinu in a tanu pen aomna khua uh ahi Kuching City ah ciahpihkik hi.

Hihvai pen atanu in 06 June 2016 ni ciangin apakiang ah genkhiapan a, apa inzong hihvai Police Station ah Report bawlpah hi. Tuahang in anupen August 26 ni in Police te’n manpah uhhi.

Apa in Media te tungah agenkhiatna ah azi in amahleh atanu tungah khial kisa in hongthumleh ka maisakding uhhi ci’n genkhia hi.

China Press te genkhiatna ah hihvai tawh kisai Police Investigation akibawl ciangin tua numeino alupkhoppihpa in anu kiangah alupkhop manding in RM3000 pia cih mukhia uhhi. Tuapa pen amin Peter cihciangbek tawh kitheiphot a, kimankhiazo nailo hi. ZD Sawltak #zomidaily