Posterous (Blogging Platform) ki khakcip tading

Posterous (Blogging Platform) ki khakcip tading

Posterous (https://posterous.com) pen Blogging Platform khat hi a, 2008 kum in San Francisco pan hongki pankhia ahihi. March 12, 2012 hong tungtoh ciangin Twitter te’n Posterous pen hong luahto uhhi.

Blogging Platform tampi te lakpan akizangpen leh aminthang mahmahkhat hongsuak hi. Mobile Blogging a zatnuamding in bawl uh ahih manin tua Feature in minthangsak phadiak hi.

Ahi zongin February 15, 2013 ni in Posterous ii Founder & CEO Sachin Agarwal in Posterous khakcip tading, zomsuak nawnloding cih tangko khiamawk hi.

April 30, 2013 masiahbek Posterous ki zangthei laiding a, tuakhitzawh Post ki behlap theilo, Edit theilo banah anunung ah Posterous pen ki enthei nawnloding a, ki phiatmai ding cihi.

Tua ahih manin Posterous azangkha peuhmah in April 30 ma peuhmah in na Photos, Videos, Documents te Backup nabawl mengmengding a, na tuahkhiat mengmengding kisamkin mahmah hi.

Twitter te khutnuai atung ahi Posterous akhawlding azak ciangin Posterous abawlkhia masapa in hihtawh akibang PostHaven https://posthaven.com kabawl khiading cileuleu hi. Ahi zongin PostHaven pen amawkna hinawnlo dinga, khakhat $5 ta lading cihi. ZD Sawltak