Portugal gamsung ah meikanggawp in mi 2000 bang awkcip

Portugal gamsung ah meikanggawp in mi 2000 bang awkcip

Portugal gamsung ah gammeikang huaisia mahmah munnih takah ommawk ahih manin, mi 2000 valbang gamsung ah awkcip uh cih Lusa News Agency pan kiza hi.

Central Portugal aom Mação khuasungteng ah gammei Wildfire akanggawp hi a, meiphelhding inzong Firefighters te luttheih omlo, taikhiat theihlah omlo in, buaimahmah uh cihi.

Gamsung meikang akipatpen Tuesday nitaklam hi a, Thursday ni ciangin Mação khua kimkot in gamsungteng meikanggawp cimawk hi.

Mação khuatawh akinai aom khuasung mipi tezong kihemkhiasak in, akigawm in mi 130 bang ki hemkhiathei uhhi ci’n Civil Protection Agency (ANPC) pan Spokeswoman Patrícia Gaspar in genkhia hi.

Mação khuasung kimkot in gammei akanggawp himawk ahih manin Emergency Team tezong lunghimawh mahmah uhhi. Vandawn panin meiphelhding in vanleng Firefighting Aircraft zong kizang himahleh zan khua amial ciangin kizangthei nawnlozel hi. Ahi zongin tua Firefighting Aircraft te’n meiphelh tampi huhtuamding in kilamen cihi.

Video: Wildfires trap 2,000 villagers in Portugal

Khuahun pen lummahmah, samahmah in gamsungzong keumahmah ahih manin, amundang tuamtuam meikuang akilawh sawnsawnding pen Firefighters tezong lunghimawh mahmah uhhi.

Related: Portugal gamsung meikanggawp in mi 62 sikhin, adang mi 54 liamgawp

Tukum June khasung inzong Central Portugal, Pedrógão Grande khuagei tengah gamsung meikanggawp ngeikhin hi. Huihtawh kithuah in gammeikang pen kilawh zatzat ahih manin mi 64 takin sihlawh uh a, adangzong mi 250 bang liamgawp uhhi. Pawlkhat mawtaw tawh akihemkhia, ataikhia himahleh mawtaw sungah awkcipzaw uh a, sihlawh uh kici hi. Sawltak #zomidaily