USA, Tulsa pan pi Ciin Do Zen (Cingpikot, naulak) in hongnusia

USA, Tulsa pan pi Ciin Do Zen (Cingpikot, naulak) in hongnusia

Mangpha Pi Ciin Do Zen @ Pi Zen (Kum 83) Naulak Beh – Cingpikot khuami Tulsa, Oklahoma State USA aa ateng Pi Ciin Do Zen @ Pi Zen in abeisa January 28, 2022 in Teknat na tawh hongnusia chih thu izak man in ZIUSA kipawlna mintawh dahpihna i pulak hi.

Pi Zen pen Zomi te kipawlkhopna Zomi Innkuan Oklahoma ah member khat leh ZIUSA Genvai member pom ni 4/2/2014 pan active member khat ahih manin thumeilet/policy zuiin (100%) Death Benefit $15000 kipiakhia dinga paakkual $150 man khat tawh zong mangpha khakna kinei ding hi.

Pi Zen luanghawm tawh anunungpen hunzatkhop ding hong tungding Tuesday February 1, 2022, 11:00AM in (FGA) Pawlpi makaihna tawh, Funeral Service bawl khit ciang, Rev. Dr. Dam Suan Mung @ Sia Mung Tawng in han ah vuina nei ding hi.

Pi Zen hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Secretary of Secretary of Genvai)