Phisian ding om, Phisian lohding om

Phisian ding om, Phisian lohding om

PHISIAN DING:
1. Ih haksatna hong kitheihpih lo-a, hong kimawhsaknate.

2. Ih ngap lohna hong kitheihpih lo-a, thadah hong kitansaknate.

3. Ih lunggimna hong kitheihpih lo-a, hong kihawmthawhnate.

4. Ih neihloh lam hong kitheihpih lo-a, thukhual lo i batnate.

5. Hihmawhna tawh kituaka, a kilawm muna i din theihlohnate.

6. Amah zong kiphawk kha lo-a hong mawhsak thapaite.

7. A san, a zawi, i panmun, i dinmun, ihihnate hong etsak lo-a, thumang tah ci-a hong kipum maingapnate.

8. Lungtang nei, khuak nei tektek ama’ ngaihsutna tawh hong tehtehte.

9. Ih thu, i la, za nailo pi-a, hong kigal’ mawhsaknate.

10. Ih hih theihlohpi khat hong kisawl ngiaunate.

PHISIAN LOH DING:

1. A kul khollo khat, a thei peuhmah hiam ci-a hong ki ze-etnate.

2. Hong thei napi-a hong theilo banga omte.

3. Thei napi-a hong bangci dawn hiam, ci-a hong dongdongte.

4. Khatvei nihvei gen khin napi-a hong mawhmawh sakte.

5. Phattuamna a pianglo ding thu kinialnate.

6. Mawhna zon nopna tawh thu kikawi dotdotnate.

7. Hong mukhialsa limlimte’ tungah thuhoih lahoih gengen a kullohnate; thuhoih lahoih kimlai gensiatna kithuaksak thei hi cihte.

8. Hong kimuhkhialh ding lau’ man-a midang kawnlawhnate.

9. Thukhen zumte ahih kei buangleh, ihihna leh ihihlohnate gengen a kul’lohnate.

10. Mihingte’ tungah thukhen khat om hi cih, phawk kinkennate.

Khaikhopna:

Ih hihna hong tel lote’ tunga kiphisianlohna in kizopna sia sak a, ihihna hong telte’ tunga kiphisianna in zong kizopna a sia sak hi. Tdkhen