Philippines aom US Embassy mai ah Bomb khat kimu in ki puakkhamsak

Philippines aom US Embassy mai ah Bomb khat kimu in ki puakkhamsak

Philippine gamsung Manila khuapi aom US Embassy gei ninbungsung ah Bomb khat kimu cih Reuters pan kiza hi. Tua Bomb pen akibawltawm “Home-made Bomb” te ci uh a, tuni Monday ni in aki mukhia ahihi. Police te’n atheih uhciang in Bomb vai athei Bomb Squad te velciansak uh a, puakkhamsak uh cihi.

Bomb apuakkhamma in Bomb Squad te’n apuakkhapsak ahih manin, hihhang in bangmah akisia, asi aliam omlo hi. Ahi zongin khuasungteng mawtaw awkcipgawp, Traffic Jam gawp saktuam hi.

US Embassy sungahzong nasep ngeimah bangin kisemkik a, apualam ahzong Visa vaitawh Filipinos te mi 10 valkhawng kigual uhhi. Hih Bomb vaitawh kisai US Embassy panin thunei te’n bangmah genkhiatna Official in neinailo uhhi.

More: Malaysia misi luanghawm sungah RM20,000 manneiding vankham kimu

Manila Police Chief khat ii genna ah hih vaipen zingsang 7am hunin lamdung ninphiat khatin hong zasak cihi. Mobile Phone alui khat panin datkhau Electrical Wire asan leh avom tawh akizom vankitun khat om cihi. Tuapen Bomb hiding in ummawh ahih manin Police te zasakpah in, tuapan in aki mukhia cih kiza hi. ZD Sawltak #zomidaily