Peru gamah Boeing Jet vanleng khat akumsuk laitak meikuanggawp, asi omlo

Peru gamah Boeing Jet vanleng khat akumsuk laitak meikuanggawp, asi omlo

South America aom Peru gamah vanleng khat atuksawm laitak in meikuanggawp ahih manin ki patau mahmah cih Yahoo News pan kiza hi. Tua vanleng pen Peruvian Airlines te hi a, Boeing Jet ahihi.

Central Peru, Andean Town of Jauja ah atuksawm laitak in mei akuanggawp ahihi. Vanleng pen atainading in akibawl Runway panin apualam pialkhia in agei aom kiatteng zong meikuang ziahziah hi.

Vanleng anawkpheina khempeuh ah meikuangphei ziahziah in sulzuihzuih himahleh vanleng pen puakkhamlo in, asung aom Passengers tengzong ki hemkhiaman uhhi.

Peru Government Minister khatin agenkhiatna ah aliamgawplua kuamah omlo cibilbel hi.

Peruvian Airlines panin Statement akhahkhiatna uhah hih atuahsia Boeing 737-300 Jet vanleng pen vanlengtual ah kumding in aki geelsa, Schedule aomsa hi a, banghanghiam cih kitheipaklo in Runway pan taklam ah pialkhiavat in meikuang kipan cihi.

Vanleng tungah Airline Crews leh Passengers akigawm in mi 141 atuang hi a, Peru khuapi Lima City panin honglengkhia ahih cihi.

Vanleng pen atainading in akiphah Tarmac tawh atatkhak ciangin meikuang akipan hikhading kici hi. Peru Interior Minister Carlos Basombrio in agenna ah vanleng ii akha Wing tawh Runway kitat in meikuang akipan hiding cihi.

More: Bangalore zinding Malaysia Airlines setsiatna om ahih manin KLIA ah ciahkik

Vanleng akumsuk ciangin khawltheilo ahih manin, vanleng akha Wing tawh khawlding ahanciam ciangin tua Wing leh lei kitat in meikuang kipan hiding ci uhhi. Hihzah tuahsiatna piang himahleh asi omlo, aliam gawplua cih omlo in vanleng tungah atuangteng khempeuh suaktathei bilbel uhhi. ZD Sawltak #zomidaily