Pentagon in F-35 vanleng man akhiam manin Norway in tampi leibehsawm

Pentagon in F-35 vanleng man akhiam manin Norway in tampi leibehsawm

Jan. 28, 2017: Leitung ading galvan lamsang tangthu ah galvan tam man pente man kiamsakna dingin US Secretary of Defense James “Mad Dog” Mattis in bang teng kisam hiam cih a et phat laitak ahi hi. Tua dingin Mattis in F-35 gal vanleng gamdang ten a lei zawhna dingin a man tampi khiamsak sawm a, Norway in zaknop na sa pah ahih manin tampi lei beh sawm hi kici hi.

Trump in F/A-18 Super Hornet vanlengte fifth-generation F-35 tangin zat ding hi a cih a thukimpih lo tampi a om hangin Mattis Boeing company in a bawl Super Hornet pen galkap lamsang sum beina tawh kituakin a man khiam sakna ding na geel hi. Tua dingin F/A-18 vanleng thakte puahphat (upgrades) ding kisam hi ci hi. USte’ galvan zat a tamzaw a bawl khia Lockheed Martin leh Boeing in hih thu hangin zan (Friday) 1:30 p.m., Eastern Time in a vanleng bawlte man uh nakpi takin kiam suksakna na thuak pah uh hi.

Gal vanleng leina a kigolh General Services Administration-a sem ulian khatin Sputnik News-te kiangah a genna ah tel tak-a thu kanna ( research) leh gal vanleng puahphatna dinga sum beite a man puahphatna kinei hi ci hi. Tua dingin F-35 vanleng man (price tag) $100-$135 million in kikhiam suk hi ci hi. 2015 in US thukham bawl (lawmakers) ten galvan lamsang research leh development adingin $55 billion zat dingin na thukim uh a, tua banah galvan zatna leh leh puahphatna dingin $1.1 trillion zat dingin na thukim uh hi.

Sputnik in Trump in F-35 vanleng puahphatna ding a lim gen hangin 2017 ciangin a man tampi takin kia ding hi ci hi. UK defense company Chemring Group Plc a Anti-missile designers executive in a genna ah Trump in vanleng man ding a khiamsakna hangin a man kia hilo in economy hoih loh hangin a man kia hi ci hi. Pentagon leh Lockheed companyte thusim ulian ten a pholakkhiatna thu uh tu kha tawp kuan ciangin kitel ding hi.

Lockheed CEO Marillyn Hewson in President Trump in F-35 bawlna program pen gol mahmah hi cih tel a, F-35 man a kiamsak hangin supna ding liangin kiamsak lo ding hi ci hi. Hewson in Joint Strike Fighter program is engine pen defense adingin a kideihna nakpi takin khang a, leitunga gam tuamtuam in kisam ding hi ci-in gen beh hi.

Norway Air For ten F-35 man kiam ding hi cih a theih manun tu lianin a zat uh F-16 vanleng 50 kiim laih sawm uh hi. Tua dingin Norway vanleng hawl (pilots) ten F-35s hawl ding dan Luke Air Force Base, Arizona, US ah 2015 panin training na nei ta uh hi. F-16 vanleng pen fourth generation vanleng galdona dingin a kizangte lak-a hoih pen pawl ahih hangin US., Russia, China leh India in a hoihzaw fifth generation vanleng nasia takin a bawl lai tak uh ahi hi. Trump in F-35 pen $100 million in zuak ding hi na ci a, 1990s in F-16 vanleng pen $14-$19 million kikal man hi.

US in tu kum sungin Norwayte kiangah F-35 thum zuak ding hi. Norway Ministry of Defense ulian ten F-16 vanleng pen 2021 dong kizang dinga, tu-in F-35 vanleng 35 lei dingin ki-order hi ci uh hi. Japan in zong F-35 Joint Strike Fighter lei ta hi. 1905 panin Norway in a galdona ah Galpi Khatna hun leh 2011 in Afghanistan simna tawh sim in gal kido a, vanleng hawl 10 in sihna tuak pan hi ci hi. Norway in NATO ten Libya a sim in zong gal vanleng hawlte sawl hi. Source: Sputnik/ Thang Khan Lian