Malaysia, Penang aom suangmanpha zuakna ah Pistol tawi damiah mi 2 lut

Malaysia, Penang aom suangmanpha zuakna ah damiah lut

Malaysia, Penang sung aom suangmanpha zuakna “Jewellery Shop” khatah zanni Monday ni in damiah lut cih NST pan kiza hi. Jalan Datuk Ooh Chooi Cheng kici lamzikpitung aom Jewellery Shop ah damiah alut hi a, damiah tepen mi 2 pha uhhi.

Monday zingsanglam 9am hunpawl in damiah pasal mi 2 te’n Pistol tawi uh a, Goldsmith Shop sungah alut ahihi. Tuakhit ciangin khatpa in Pistol tawh saizuakpa a ngim laitak in, adang khatpa in suangmanpha zuakding in akikoih “Display Panel” panin luatkhia saisai hi.

Jewellery Shop aneipa pen kum 75 aphakhin khat hi a, amahpen saingak in aom ahihi. Damiah te ataikhiat khitciangin tua saizuakpa in Traffic Police te kiangah huhna ngenpah hi.

Damiah tepen lamzikpi tungah Traffic zuilo in, Motorcycle khattawh lehtai uh a, Traffic Police te’nzong matding in delhpah uhhi.

Damiah te lakah kum 36 aphakhin khatpa pen kimankik theipah a, ahi zongin adang akithuahpih khatpa pen taisuah uhhi.

Tua akimankik damiahpa khutsung panin agukkhiat ahi 10 Gold Bracelets ki ngahkikthei hi. Tuaban ah Police te’n tua Goldsmith Shop geinai panin damiah tezat Pistol khatzong mukhia uhhi.

More: Mandalay Region sungah innteeng nasep asemkhat kibawlsia

State police chief Datuk A. Thaiveegan in hih Jewellery Shop kiluhvai pen katheihpih uh a, asawtlo in Press Conference kibawlding hi ci’n genkhia hi. Malaysia gamsung muntuamtuam aom suangmanpha zuakna “Jewellery Shop” te ah damiah lut cihpen tusawngteng ki nawhzak mahmah hi. Sawltak #zomidaily