Penang North – South Expressway ah mawtaw 5 kiphul khagawp in mi 1 si

Penang North – South Expressway ah mawtaw 5 kiphul khagawp in mi 1 si

Malaysia, Penang khuasung aom lamzikpitung khatah mawtaw 5 tak ki phukha gawp uh ahih manin, mi 1 in sihlawh cih theStar pan kiza hi. Jalan Permatang Pauh khenkhitdeuh North – South Expressway tungah aki phukha uh ci a, Factory Van khatleh adang mawtaw neu 4 kihel cihi.

Tuni Tuesday (Mar 14) zingsanglam 7:59am hunpawl in thupiang hi a, mawtaw kiphutkhakna aphual ah khat sipah hi. Asipen pasal hi a, kum 20 gualpawl hi in, Perodua Kelisa mawtaw ahawlpa kici hi.

Adang mawtaw te panin Drivers leh Passengers te bangciangliam cih ki theicianlianlo a, ahi zongin asi adang omlo uhhi.

Hih Accident hangin Highway lamzikpi kikhakcip in, mawtaw sia tezong ki hemkhia theipaklo ahih manin zingsang nasem kuanding mawtaw hawlte kikholkhol in, Traffic Jam cipsak hi.

Central Seberang Prai District Police Chief inzong hih Accident vai pen amau kiang kizasak cih genkhia a, bangci bangin Accident kipankhia cihpen Police te’n akansan uh cih kiza hi.

Johor ah mawtaw Accident, mi 3 si in khat liamgawp

Malaysia, Johor State, Kota Tinggi ahzong mawtaw khat lamzikpi gei aom guamthuk sungkhat ah pialphei in kiasuk ahih manin asungah atuanglakpan mi 3 si cih theStar pan kiza hi. Pasal mi 3 asi hi a, asite lakah nihpen unau cisawnsawn hi.

Mi 4 mawtaw khatsung ah atuangkhawm uh hi a, akhatpa zong liamgawp hi. Tuesday zingsanglam 10am hunpawl in atuahsia uh hi a, Kota Tinggi OCPD Supt Rahmat Othman ii genkhiatna ah mawtaw pen hathawllua ahih manin lenkik zolo, Control zolo in lampi apangdalna Divider aphut khitciangin lamgei aom guamsung akidenna hi ci’n genkhia hi.

Mi 3 aphual ah sipah in, asilo khatpen liamgawp ahih manin Hospital Kota Tinggi ah kipuak cih kiza hi.

Malaysia gamsungpen lampi thukhun zuilo phadiak hiam, mawtaw Accident zong tamphadiak mawk hi. Khuasung vakciang kidop mahmahding thupi. ZD Sawltak #zomidaily