Penang aom Apartment khatah akikoih Motorcycle 18 leh Motor 1 meikanggawp

Penang aom Apartment khatah akikoih Motorcycle 18 leh Motor 1 meikanggawp

Malaysia, Penang aom innsangpi “High-rise” khatah akikoih Motorcycle 18 leh Motor khat mei kanggawp cih NST pan kiza hi. Police te’n meitawh aki halsak hidingin ummawh uh ahih manin, atuamtuam panin limtakin kansan uhhi.

Hihvai tawh kisai in palik thunei ahi Southwest district police chief Superintendent A. Anbalagan in agenkhiatna ah hih meikatna buainavai pen aki kansan laitak hi. Fire and Rescue Department te tungpanin Full Report kingaklai a, tua tungtawn in athu paizia kitheiding cihi.

Penang, Pusat Bayan, Jalan Merbah, Sungai Ara aom High-rise Apartment khat zannitak 8pm hunpawl in mei akang ahihi.

Hih meikat laitak in amukha ahi kum 52 aphakhin Aridash kici Witness khatin agenkhiatna ah nitaklam in tuangeinai ah an neding in ka vakkhia cihi. Akipatcil in meikhu themcip kamu masa a, tuangeinai ah ninthem akihal hidingin ka ummawh hi.

Video: Police are looking at all angles, including arson, in an investigation into the destruction of a car and 18 motorcycles in a fire at Pusat Bayan in Penang last night.

Ahi zongin annekna saipan in ka ciahkhiat ciangin meikhu pen tamsemsem a, tuaciang in Fire and Rescue Department te ka zasak hi ci’n genkhia hi.

Penang State Fire and Rescue Department spokesman in agenkhiatna ah meikuang pen minute 30 sungin ki phelhsiangzo hi. Aphual katun uhciangin Motorcycle khempeuh mei kanggawp khinta cihi.

More: Malaysia, Cheras vengsung ah Motorcycle 30 val meikanggawp

Jalan Perak leh Balik Pulau aom Fire Station panin meiphelhding in Firefighter te’n adelhpah uh hi a, hih meikatna hangin asi aliam kuamah omlo hi. Meikatna ahang pen kikansan laitak a, tuaban ah hih meikatna hangin bangzah supnapiang cihte aki tuatsan laitak hi ci’n thunei te’n genkhia uhhi. Malaysia gamsung ah Motorcycle alomlom in mei kanggawp thei a, atamzaw tuabangin meikang tepen akihal hiding in ki ummawhtek hi. Sawltak #zomidaily