Penang ah damiah te’n suaitawn RM2 Million manneiding puakhia

Penang ah damiah te’n suaitawn RM2 Million manneiding puakhia

Malaysia, Penang State sungah hiamtawi migilo damiah te’n RM2 Million manneiding suaitawn honkhat luhkhia uh cih theStar pan kiza hi. Butterworth, Jalan Siram sungah tuni Monday zingsanglam in thupiang ahihi. (Gold pen Zopau in “Kham” ahih keileh “amanpha sik eng” kici a, ahi zongin ihpau ciangin “Suai” ci’n ki limzatzaw hi)

Jalan Siram aom suaibawlna Goldsmith Supplier te huangsung Business Premises sung tektek ah damiah akitaih, akisut ahihi. Mundang suaizuakna ah apuakding in Delivery Truck tawh apaikhiading in akithawi mawtaw sungpanin damiah ataihkhia uh ahihi.

Hih buaina thupiang pen ageinai panin amukha Eyewitness te genna ah tua suaipuakna Delivery Truck sungah pasal 2 atuang uh cihi. Zingsang 9:30am hunpawl in tua Delivery Truck pen Business Premises huangsung panin apaikhiatsawm laitak in mawtawneu asan khatin agei ah khawlsak hi.

Tua mawtawneu sungah mi 3 atuang uh hi a, mi 2 kumkhia in temta leh heipi tawi uh a, tua Delivery Truck pen damiah taih uhhi. Delivery Truck sungah apuak uh suaitawn honpikhat ip 2 tawh tawikhia uh a, taivingveng uhhi.

Damiah te’n apuakkhiat uh suaitawn tengpen agihna 10kg bang phading ci uh a, asum tawh akituat ciangin RM2 Million bang manneiding ci uhhi.

Video: Robbers escape with 10 kilos of gold from Penang gold factory

Hih buaina thupiang amukha Licensed Security Officer khatinzong athaupuak tawh damiah te galkap himahleh kuamah khalo hi. Hihvai tawh kisai in Police Forensics Team te’n kansan laitak uh cih kiza hi.

Related: ATM sungah RM800,000 thunbehding in apai Security Guard mi 4 te damiah kitaih

Nungdiak inzong ATM sungah sumthunding in apaikhia Security Guard te sumpuakna mawtawkhat damiah kitaihsak in, RM800,000 tawh damiah te taivingveng uhhi. Tuakhit asawt hetlo in Temtawi pasal khatguak inzong Kuala Lumpur, Jalan Imbi aom Bank khatah damiah taihin RM46,000 tawh paikhia hiathiat hi. Security Guard te’nzong thubuai taktak apian ciangin bangmah bitna piazolomawk uhhi. Sawltak #zomidaily