Penang Bridge tungah mawtawhawl khat Heart Attack suakin anung a mawtaw gawikha

Penang Bridge tungah mawtawhawl khat Heart Attack suakin anung a mawtaw gawikha

Malaysia, Penang Bridge lei tungah Lorry Driver khat mawtaw ahawl laitak in Heart Attack suakvat ahih manin Accident piang cih theStar pan kiza hi. Tua Lorry Driver papen kum 46 apha khinkhat hi a, mawtaw ahawllaitak Heart Attack ahih manin mawtaw hawlthei nawnlo, Control theinawnlo in mawtaw nungkin mawk hi.

Tuaciang in anunglian ah apai Taxi mawtaw khat gawisukkha hi. George Town OCPD Asst Comm Anuar Omar in agenkhiatna ah zanni in thupiang ci a, tua Lorry Driver papen Seberang Jaya Hospital ah kipuak a, ahi zongin asawtlo in tua zato ah si cihi.

More: Penang ah palik kineih pasal khatin Kawlgammi numei khat bawlsia

Agawikhak Taxi Driver papen bangmah liamna omlo bilbel in suaktathei hi. Ahi zongin hih buaina hangin Penang Bridge tungah mawtaw honpikhat awkcip zihziah in, Tun Dr Lim Chong Eu Expressway dongah mawtaw dimsuk zihziah cih kiza hi. Sawltak #zomidaily