Pate’n ei leh ei i kidot zel ding pawlkhat

Pate’n ei leh ei i kidot zel ding pawlkhat

Ka Inn sungah thuneipen Pasian ka hisaktakpi mah hiam?

Ka Inn sungah Pasian leh ama deihna lam sangin, leitung thu lam leh siatna lamah kimakaihna a tamzaw kha hiam?

Innkuan nuam deih ka hih leh, innkuannuam suah theih nadingin bang teng sem ka hi hiam?

Ka zi, ka tate kei gamtat bangin gamta ding hi leh ka phal takpimah ding hiam?

Ka zi, ka tate’n hong zahtak hi loin, hong kihta khawng ahi zaw kha hiam?

Ka zi, ka tate Pasian thu tawh ka pantah takpi mah hiam?

Ka zi, ka tate lampi maan ka totpih takpimah hiam?

Ka zi, ka tate in mi lakah hong gen ding uh a maizumsak Pa khawng ka hi kha hiam?

Ka zi, ka tate’n mi lakah hong pahtawi nuam, hong phat nuam hinapi-in phattaak pahtawitaak dingin ka om kei kha hiam?

Ka zi, ka tate adingin Pa hoih khat ka hi takpi mah hiam?

Ka zi ka tate leitung nuntakna ciang bekah a tunpih hi loin, tawntung nuntakna ciang dongah ka tun’pih zo takpi mah hiam?

Hih thu teng Pate’n ei leh ei kidongkikin Innkuannuam lam sawm ding hi hang. Amen!

Khazih sungah,
David Tuang