Pasian Thukham leh Moses Thukham ki khen thei lo (A kibang hi)

Thukham zuihna hangin Pasian tawh kipawl theihna ding a hanciamte pen Khrih tawh a kikhen na hi uh a, Pasian’ hehpihna in note hong huam theilo hi.

Thukham ih cihcih bangteng?

Pawl khat te khendan,
(1).God’ Law (Ten Commandments)
(2).Ceremoniel Law (eg.Sacrifice,Vun at na)

Laisiangtho in bangci,
(1).The Law of The Lord (Luke 2:23) “Ta pasal masa peuhmah Topa’ tung ah ki-ap ding”
(2).Mose’s Law (Luke 2:22) “Topa tungah naungek a ap ding in Jerusalem ah pai”

Mose’s Thukham zong Topa’ Thukham mah ahihi.Kuamahin Thukham khenkhen nawn kei un.
Luke 2:22-24

Moses Thukham sungah a kigelhna tawh kizui-in Josef leh Mary a kisian’suah ding uh hun hong tung hi. Tua ahih manin Topa tungah naungek a ap dingin Jerusalem-ah a paipih uh hi.

23. Bang hang hiam cih leh Topa’ Thukham sungah, “Ta pasal masa peuhmah Topa tungah ki-ap ding hi,” ci-in kigelh hi
24. Topa Thukham sungah a kigelhna tawh kizui-in biakna-in vakhu nih ahi a, kawl vakhuno nih ahi zongin a pia dingin zong a pai uh ahi hi.

Zeisu’ Thuhilhna
Zeisu in “Ahi zongin” cih kammal bang hang in zang hiam?
Matthai 5:21-22

“Tanglai mite tungah, ‘Mi that kei un. Mithat peuhmah in sihna thuak ding hi,’ ci-in a kigenna thu na zaksa uh ahi hi. Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah-a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.
(Thukham (10) sung ah No.(6) na tawh ki tuak hi lo hiam?)
Matthai 5:27-28
“‘Mi zi tungah na mawh kei ding hi,’ ci-in a kigenna thu na zaksa uh ahi hi. Ahi zongin ke’n kong genin-ah: Mawhpih nopna lungsim tawh numei khat a en mi peuhmah in a lungsimah tua numei tawh a mawh ahi hi.
(Thukham (10) sung ah No.(7) na tawh ki tuak hi lo hiam?)

Matthai 5:31-32
“‘A zi a ma mi peuhmah in a zi tungah makna lai pia ta hen,’ ci-in a kigenna zong na zak khitsa uh ahi hi. Ahi zongin ke’n note kiangah kong genin-ah: Mi khat peuhmah in pasal dang tawh a mawhna hang lobuang, a zi a mak peuhmah a, a zi in pasal a neihkik leh mi tawh a mawh dingin a bawl a suak hi. Tua a kima numei a ten’pihte, numei tawh a mawh mah ahi hi.

Matthai 5:33-34
“Tanglai-in mite tungah, ‘Pasian tungah na kiciamnate uh pelh kei un la, ama tungah na kiciam bangun tungsak un,’ ci-in a kigenna na zaksa uh ahi hi. Ahi zongin ke’n note kiangah kong genin-ah: Hih ding khat peuhpeuh na neih uh ciangin kiciamna na zang vet kei un. Kiciamna-in vantung na zang kei un — Pasian’ tokhom hi veve hi.

Matthai 5:38-39
“Note in, ‘Mittang khat tangding mittang khat, ha khat tangding ha khat,’ ci-in a kigenna na zaksa uh ahi hi. Ahi zongin note kiangah ke’n kong genin-ah: A gilote na thukkik kei un. Mi khatpeuh in na paang taklam hong bet leh a langkhat zong na dawh lai zaw in.

Matthai 5:43-44
“Note in, ‘Na vengte uh na it un la, na galte uh na mudah un,’ ci-in a kigenna thu na zaksa uh ahi hi. Ahi zongin ke’n note kiangah kong genin-ah: Na galte uh na it un la, no hong bawlsiate-a’ dingin thu na ngetsak un.

Matthai 5:18

Hoihtakin na phawk ding uh thu panin: Van leh lei a bei mateng, hih thukhamte a neupen khat nangawn’deihna tangtung lopi-in mawkmailo ding hi.
theinthang(Pa deihna in leitung mite mawhna teng singlamteh tung ah puakhia ding ahihi.)

Johan 19:30
Jesuh in tua leenggahzu-hau ciamin, “Man khinta hi,” a cih khit ciangin a lu puksukin a si ta hi.
When he had received the drink, Jesus said, “It is finished.” With that, he bowed his head and gave up his spirit.
Sabbath ni kua te tan’ ding leh bang hang ?Pasian in kua te tung ah apiak?
Thu Hilhkikna 5:15
Egypt-ah nasem na hihna uh leh tua lai panin Topa na Pasian un a vangliatna khut leh a thahatna tawh hong paikhiatpihna na phawk ding uh hi. Tua ahih ciangin Sabbath ni na tan’ ding uh Topa note’ Pasian in thu hong pia hi.
Kolose 2:16-17
Tua ahih manin annek tuidawn, biakna pawite, Khadet Pawi, leh Sabbath ni tawh kisai-in kuamah in ngeina zuihding bawl kei un.Hihte pen mailamah a hong piangding nate’ lim hi lel a, ahi zongin tu-in a taktak ahi Khrih hong omta hi.

Lian Thein Thang