Pasian leh ama kammal

Pasian leh ama kammal

Pasian leh ama kammal tawh na kitam zop nak leh, na hoih mahmah loh hangin, na siat ding zahin na sia ngam nawn kei ding hi.

Pasian leh ama kammal tawh na kitam zop nak leh, lauhuaina tampi om mah ta leh, lungnop khamuan’na khat na nei gige den ding hi.

Pasian leh ama kammal tawh na kitam zop nak leh, lungkham haksatnate hangin na thanem den kei dinga, Topa’ tungah thathak na la thei den ding hi.

Pasian leh ama kammal tawh na kitam zop nak leh, Pasian’ ompihna leh ama makaihna na ngah den ding hi.

Pasian leh ama kammal tawh na kitam zop nak leh, na hun na vai khempeuh Topa’n hong zawhpih ding hi.

Amah leh ama kammal tawh aki tamzop mite’ nuntakna pen, Pasian in lim takin kemcing den hi.

Khazih sungah,
David Tuang