Pasalte khitui luangin kaptheilo uhhiam?

Pasalte khitui luangin kaptheilo uhhiam? Pasal pipi akapte pasal vailo ahiam?

Pasal takpi a lawmngaihnu ngai a khitui luang hong kicih ding lai-in na khitui luan ding kham kei in. Pasian i numeite bek khitui pia lo ahi manin na lungsim sunga na thuakna bangin lak khia lel zaw in. Tua khituite manh nei ahi lam a nung ciangin na phawk kik ding hi.

Mi pawlkhat in khitui luan ding a khaamzote pasal ci uh hi. Ahi zongin itna tungah khitui a luangsakzote pasal taktak hi zaw uh hi. Bang hang hiam cih leh khitui i cih pen ama ut hun a luang hi loin a sung lam pan a sawlkhia, a sawn khia khat a om manin a luang hi zaw hi.

Tua khitui a sawnkhia zo lo, a lung khiasakzo lote a pumpi uh pasal ahi hangin a lung dunga kibawl khitui luangsak zo lo uh ahi manin pasal taktak hi lo uh hi, cih ding tawh kibang hi. Ahi zongin i gen nop thu in pasal le pasal lo hi loin khitui pen a luang dinga kibawl ahi manin a luan ding hunin luangsak lel zaw in. Khitui a luanna, thu le la khatpeuh kiphawk den hi.

Na it na ngaih khat in ong taisan / hong nusia ahi leh phawk nawn peuhmah kei ning na cih leh na khitui malkhat zong luangkhiasak kei in. Ahi zongin, it lua mahmah ing, ngai lua mahmah a, mangngilh zo lo ding na hi leh na khitui a luan ding khaam kei in. Tua ni na phawk den nadingin na khitui a luang nuam zah tak khiasak le in. Khitui in pasal le numei khen lo hi.

Lungdam
Job Cinpi