Paris pan Cairo zuanin aleng EgyptAir vanleng mangcip

Paris pan Cairo zuanin aleng EgyptAir vanleng mangcip

Piancit gam ii khuapi Paris pan Egypt gam Cairo khuapi zuandingin alengkhia EgyptAir pen Radar pan kimu nawnlo in mangcip cih AP News in tuni Thursday ni in pulak khia hi. Mediterranean Sea kici tuipi tungah aleng diaidiai dingin aki ummawh himah leh Control Center panin kimu nawnlo cimawk hi. Hih EgyptAir vanleng tungah mi akigawm in 66 bang tuangding in kigen hi.

EgyptAir Flight Number pen 804 hi a, Airbus A320 namte ahihi. Radar panin zingsang 2:30am akipan ki muzo nawnlo ci’n Ariline te’n genkhia uhhi. Egyptian Armed Forces kici Egypt galkap tezong hih vanleng zongding in kipankhiapah uh cih kiza hi.

Hih EgyptAir vanleng tungah atuang Passenger pen mi 56 hi a, tualak ah naupang khat leh naungeksen 2 kihel hi. Passenger mi 56 leh vanleng nasem Airline Crew mi 10 atuang hi a, akigawm in mi 66 ahihi.

Agammi in hileh France gammi 15, Egypt gammi 30, Briton 1, Iraqis 2, Kuwait 1, Saudi 1, Sudanese 1, Chadian 1, Portugal 1, Algeria 1, Canada 1 cihbang ahihi. ZD Sawltak #zomidaily

Update 3:16pm

Egyptian Civil Aviation panin thunei te in Associated Press te kiangah zaksakna nei uh a, hih EgyptAir Flight 804 vanleng pen akia hi ci’n genkhia uhhi. Tua ahih manin Egyptian leh Greek Military Vessels te in Mediterranean Sea sungah akia vanleng ii athemneng te atawmding in limzonsan mahmah uhhi ci’n French Prime Minister Manuel Valls in genkhia hi.

Black Box khawng amuhkhiat khit uh ciangin hih EgyptAir vanleng bangcikiat, banghang in kia cihte ki theician panding hi. ZD Sawltak #zomidaily