Papi khatin atanu 623 vei buan ahih manin, kum 48 thong kiading

Papi khatin atanu 623 vei buan ahih manin, kum 48 thong kiading

Malaysia gamsung ah papi kum 36 aphakhin khatin atanu tamveipi buanzelzel ahih manin, kum 48 thong kiading in thu kipia cih NST pan kiza hi. Thong kiatding kum 48 bekthamlo, ciingciangduai “Rotan” tawhzong ataw 24 vei kisatding cihi.

Tua papipa pen ki gimneih mahmah ahih manin Mangkam tawh “Monster Dad” kiciliang hi. Banghang in kum 48 tak thong kiading in thu kipiahiam cihleh ama tanu tektekpen kum 2 hunsung in 623 veitak buan, bawlsia (sodomising, raping and sexually abusing) cimawk hi. A ngeina ahilo, ata nangawn panin buan ciliang hi.

“Special Courts for Sexual Crimes against Children” kici naupang abawlsia te thukikhenna zumpi ah thukhenmangpa’n thu apiak ciangin, bangmah niallo in, daidide in alu kunsuk cihi.

A tanu ii amailam khualna in tua papipa ii amin apuampen ki pholak khialo a, “Penal Code, Sexual Offences Against Children Act 2017 (SOACA) and the Child Act 2016” cih thukhun tetawh kizui in thu nasiatak in akibawl ahihi.

Hih papipa pen tanumei 3 anei hi a, abawlsiat abuanthuak pen atanu a upapenpen ahihi. 2015 kumin azi tawh aki khenkhit ciangin atanu buan akipan cimawk hi.

Tuabang in atanu buan akipatlai in atanu pen kum 13 bekbek phapan a, ahi zongin nikhatsung in tamveipi buanden hi. Buan mawkmawkzong hilolai in, ataw nangawn panin nisim in buanden cimawk hi.

Anu leh apa akikhen khitciangin hih atanu aupapen apatawh omkhawm uh a, anau numei nihte pen anu tawh omkhawm uhhi. Kum 2 sungbang buan athuakdet hangin kuamah kiangah genkhia ngamlo hi.

Video: ‘Monster dad’ gets 48 years jail, 24 lashes for raping own daughter more than 600 times

Kumnih khitciangin apa’n anau numei 2 tezong amau kiangah aomding in sapsawm ahih manin, tuaciang in atanu hihbang in abuanzel pen aki theikhiapan ahihi.

Thukhenzum ah tua papipa thu akikhen laitak in, bawlsiat athuak atanu zong kuama muhlohding Closed-door sungah kikoih in, ama tungpanzong Statement kila hi.

More: Apa in atanu kum 2 sungbang zawhthawh thutawh buanzel cih aki theihphet in kiman

Tua thukikhenna ah Women, Family and Community Development Minister Datuk Seri Rohani Abdul Karim zong kihel cihi. Ama genkhiatna ah hihthu, hihvai hangin khuasung Public mipi te’nzong Lesson lakna in nei in, Awareness piakna zong hipah a, naupangte bawlsiat kidawm tuamding hi ci’n genkhia hi. Sawltak #zomidaily