Pakistan gamsung leh Kashmir gamsung ah guahtui tamluatna hangin tuikhanggawp in mencim kawikawi ahih manin, mi 53 in sihlawh a, adang mi 60 valbang in liamlawh uhhi ci’n Sunday ni in AFP News in genkhia hi.
Hih tuahsiatna hangin inn leh lo asia tampitak om a, cimawh dongtuak tampitak om uhhi. Saturday nitak lampawl akipan guahzuk kipan in, khuasung mite cimawhthei mahmah uhhi. Asia aliam atamzaw pen Pakistan gam sung Khyber Pakhtunkhwa Province leh Kashmir gamsung Neelam Valley kuamsungteng hiphadiak hi.
Shangla District pen huaisia phadiak a, hihsungpan inzong asi mi 14 bang phakhin hi. Tuaban ah Kohistan Region ahzong mencim hangin misi 12 bang pha cih kiza hi.
Sam Gung khuasung ahzong naupang 5 leh numei 3 Saturday nitak lamin si cih kiza a, innzong avulhnelhcip tampi om cihi. Asi amang te ii luanghawm tepen kumpi thunei te’n azonsan laitak uh ahihi.
Abeisa kumte ahzong khuahun siatna hangin Pakistan gamsung ah mi tampitak in sihlawhngei a, logam tampitak zong siatlawh hi. Nungkumsung asi bekbek pen mi 81 pha a, mi 300,000 val bangin gentheih hamsat thuaklawh uhhi. ZD Sawltak #zomidaily
Comment piaknop aomleh...