USA, Charlotte pan Pa Gin Khan Khual (Ciingpikot, Suante) in hongnusia

USA, Charlotte pan Pa Gin Khan Khual (Ciingpikot, Suante) in hongnusia

Mangpha Pa Gin Khan Khual (Kum 56) Suante Beh: Ciingpikot khuami Charlotte, NC aa ateng Pa Gin Khan Khual in abeisa March 6, 2021 in pumzaw damlohna tawh hongnusia chih thu izak man in ZIUSA kipawlna mintawh dahpihna i pulak hi.

Pa Khual pen Zomi te kipawlkhopna Zomi Innkuan Charlotte ah member khat leh ZIUSA Genvai member honglut ni 1/2/2014 pan active member khat ahih manin thumeilet bylaw zuiin (100%) Death Benefit $15000 kipiakhia dinga paakkual $150 man khattawh zong mangpha khakna kinei ding hi.

Pa Khual luanghawm tawh anunungpen hunzatkhop ding hong tungding Tuesday March 9, 2021 in (City Harvest Mission Church) makaihna tawh, 1:00pm in Funeral Service bawl khit ciang Rev.Thang Lian Khup in han ah vuina ding hi.

Pa Khual hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)