USA, Arkansas pan Pa Cin Khan Tung (Naulak, Dimlo) in hongnusia

USA, Arkansas pan Pa Cin Khan Tung (Naulak, Dimlo) in hongnusia

Mangpha Pa Cin Khan Tung (Kum 59) Naulak Beh – Dimlo Sialtual khuami Jacksonville, Arkansas State USA pan in Pa Cin Khan Tung in abeisa January 1, 2022 in sunglam damlohna tawh hongnusia chih thu izak man in ZIUSA kipawlna mintawh dahpihna i pulak hi.

Pa Tung pen Zomi te kipawlkhopna Zomi Innkuan Beaumont TX ah member khat leh ZIUSA Genvai member pom ni 7/31/2016 pan active member khat ahih manin thumeilet/policy zuiin (100%) Death Benefit $15000 kipiakhia dinga paakkual $150 man khat tawh zong mangpha khakna kinei ding hi.

Pa Tung luanghawm tawh anunungpen hunzatkhop ding hong tungding Friday January 7, 2022, 1:00pm in Tulsa, OK ah Far East Mission Church makaihna tawh, Funeral Service bawl khit ciang, Rev.Dr. Cin Khaw Kham in han ah vuina nei ding hi.

More: Sialtaang Tuinak leh Saizang ~ Tedim Municipal

Pa Tung hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA, Inc.)