US, Ohio State ah khuasung ahungding in akuankhia palik 2 thautawh kaplup thuak

US, Ohio State ah khuasung ahungding in akuankhia palik 2 thautawh kaplup thuak

USA, Ohio State sung aom Westerville City ah Police Officer 2 ki kaplum cih Fox News pan kiza hi. Police te genkhiatna ah “Westerville Emergency Dispatch 911” te kiangah Phone tawh kisam in, tua akisapna munah Police Officer 2 in adelhpah uhciangin aphual ah ana kikaplum cihi.

Saturday zingsanglam in Cross Wind Drive ah aki kaplum uh ahihi. Authorities te genkhiatna ah kaplup athuak Police Officer 2 tepen Anthony Morelli leh Eric Joering ci uhhi.

Westerville City Manager in agenkhiatna ah hih aki kaplum Police Officer te lakah Eric Joering pen kum 39 aphakhinkhat ci uhhi. Police Force ahzong asepzawh kum 17 bang aphakhin cihi.

Tuaban ah akhatzaw Anthony Morelli pen kum 54 aphakhinkhat hi a, Westerville Police ah asepzawh kum 30 aphakhin cihi.

Police Officer khatpen thau kikapna aphual ah sipah in, adang khatzawpen Ohio State Wexner Medical Center ah kipuakman himahleh tualai ah si hi ci’n Westerville Police te’n genkhia uhhi.

Tua Police Officer 2 te akaplumpa zong palik te’n mankhiakhin uhhi. Tuapa zong liamna ngah ahih manin Area Hospital ah kikem hi. Ahi zongin hih thaukappa ii amin apuam pen Authorities te’n pulakna neikhia nailo uh cihi.

Video: Two slain Ohio officers were ‘true American heroes,’ police chief says

Hih kaplup athuak Police Officer 2 tepen Police Force ahzong asepzawh uh kumtampi hikhinta a, amaupen American gammi te adingin mihangsan, galhang taktak ahihi “true American heroes” ci’n Police Chief Joe Morbitzer (Westerville Police Department) in News Conference ahzong genkhia hi.

Police Force lakah amuanhuai, akician penpen, ahoihpenpen “two of the best we have” hi uh a, Saturday zingsanglam in Westerville City sungah nasep laitak in kaplup athuak uh ahihi. Midangte nuntakna ahun, adonding in akuankhiat laitak un amau nuntakna abeilawh uh ahihi ci’n genbeh hi.

More: Malaysia, Melaka sungah palik te’n damiah migilo mi 2 kaplum, 1 taisuah

Authorities te’n Fox News te tungah agenna ah Westerville Police te kiangah Emergency in 911 kisam a, ahi zongin phone pen ki khiakik cihi. Tuaciang in innsung buaina khatpeuh omkha hiding hi ci’n Police Officer 2 in adelhpah uh ahihi.

911 Emergency Call akisapna Apartment ah Minute 10 zong ziakailo in tungpah uh a, ahi zongin tua Apartment sungpanin thautawh naki dawntuah, naki kappahlian cimawk hi. Sawltak #zomidaily