Nuupaa (Innkuan) ~ Lengtong Pauno

Nuupaa (Innkuan) ~ Lengtong Pauno

(…awmsungsuak thu) Nupa cih kammal sungah, aki seelsim thu tampi om hi. Nupa = Aki it kingaipen, kikhual kihehpihpen, kineekngaih kihuaihaam’pen, kideihsak kimasakpen, midang kuamah alahloh apiakloh akilak akipia nupate ahihi.

Tanungakte leh apa nupa hilo a, tatangvalte leh anu zong nupa hilo hi. Tanu tapa, maklemo te’n hongitkei lezong, aki it akingai ding nupate ihi hi. Ahangin, tate maklemote tawh nupa ihikei hi.

Leitungmi khempeuhin hong mudah hong langpan phialzongin aki it, akigum cintending nupate ihi hi.

Zineih pasalneih icihpen, khangno sisan thatang hatlai ading sangin, teekleguai hun ading nahizaw hi.

Leitung nuntakna sungah mihamsiapenpen in, “Asi amanglopi a, nupa kihingkhen’te ahi hi”

Laisimmimal khempeuh…Topa’ thupha!!!

By experience
Ka lungdam, Munkhai’pa

SIA JOB THAWNGNO’ KAMMAL KHAT

Bawlung(tukpeng) suihna ah, abawlung suipen khe ahi hi.

Khe zahmaha ahahkat mahmahpen khut hileuleu hi.

Bawlung suihphalna angahpen khe bek ahihmanin, khut in bawlung asukkhak leh khial(foal) ahi hi.

A lawmtavua “khutkhattawi khekhatkhai” banga hong hanciam uh ahihmanin, khe inzong thasiitlo in deihkhoptaka asuih(shoot) leh, alangte’goal sungah luut hi.

A goalkhum khe hinapi in, khe kibeenglo a, khut kibeeng leuleu hi. Khe ki nohset (bansah) lo a, khut ki nohset hi.

Ahangin: “Eite pumkhat hihang Zeisu sungah” ahi hi.

Ka lungdam, Munkhai’pa

AKIDOPHUAI KAMVANG

Kaphuahsa late ka saksak zawh kum 10. khitteh, alamal sunga thu bangin, hong taangtungtakpi la 2/3 omkhin mawk hi.

Ikamvang pana apusuak, igen isakkhiat thulela te, thupi mahmah ahihmanin, paulehaam leh gelhlehawm tezong, aki doptaak’… mahmah nahi hi.

Ei’tunga hong tungdinga ideihte bekmah… gengen paupau sasa thei leeng…

Ka lungdam, Munkhai’pa