Nupi khatin amonu dingpen tomsalua in, tui sungah tuahlupsan

Nupi khatin amonu dingpen atun tom salua mahmah ahih manin, tui sungah tuahlupsan

China gamsung ah nupi khatin atapa ziding “Fiancée” pen amuh ciangin atun tom salua mahmah cihi. Tuahang tawh atapa ziding thukimlo in, amahleh amah ki sihbawl “Suicide” ngeu cimawk hi.

Tua nupinu pen kum 47 aphakhin khat hi a, aluanghawm pen Henan Province sungaom luisung khatah November 17 ni in ki mukhia hi ci’n China’s People’s Daily te’n pulakkhia uhhi.

Tua nupinu pen tuisung ah tuak cih akitheih ciangin akizongzong ahihi. Aluanghawm amuh uhciang in apasal pen alungsim khoihkhalua “Emotional” gawp ahih manin, amahzong luisung ah tuaksukgiap cimawk hi.

Apa atuahsuk ciangin atapa zong ahonding in tuaksukbeh leuleu hi. Ahi zongin hihte pata pen ahunlap in Police te’n honkhia kikthei bilbel uhhi.

Hih nupinu ii amahleh amah aki thahlupna ahangpen aki zakmasakna ah atapa ii lawmngaih ateenpihding “Fiancée” in mopawi letsong “Wedding Gift” dingin vanmanpha mahmahkhat ngen ahih manin, anu in piakzawh ngaplo in akisihbawl hi ci’n kigenkhia masa hi. Tua avan ngetpen mawtaw kici hi.

Ahi zongin hih nupinu amahleh amah aki thahlupna vaitawh kisai in hoihtak aki kancian ciangin amonu dingpen tomsalua mahmah ahih manin, lungkimlo, atapa adingin deihsak hetlo in, apuakzawhnawn hetloh ciangin amahleh amah asiding in tuisung ah atuaksuk hi ci’n Propaganda Department of Ningling County te’n genkhia uhhi.

More: Malaysia, Ampang ah nupa kopkhat leibat haulua ahih manin ki sihbawl uh

Tate deihsakdan zong atuamtuam himawk ei maw, atun atomlua tawh ki innkuan khatding sangin sinuamzaw cihmawk. Atapa’ ziding tawh anuntakpih sangin sihsan nuamzaw hiliang. Tun atomluat lawmlawmzong mikhat in asihlawh hitalawmlawm mate, bangcih mawkding, deih masakpen in akiteel lah hisamlo a….. Sawltak #zomidaily