Theihngeiloh nupi khat ii panpihna tawh a ngawng Operation kibawlthei

Theihngeiloh nupi khat ii panpihna tawh a ngawng Operation kibawlthei

Hih sangnaupangpa pen tawlpi khatsung alu asawisa in aomkhit ciangin siavuan te Surgery bawlsak siamna tawh leitungah midangte mahtawh akibang in mutheita cihi. Ama minpen Mahendra Ahirwar hi a, kum 13 bek hipan hi.

Alamdang mahmah mikhat hi a, a ngawng aom thagui thatang Muscle tepen midangte bangin khauhzolo hi. Neck Muscle te zawdiak ahih manin, alupen dingtangsak zolo in kawisukgawp cimawk hi.

Hih alamdang natna hangin hihpa pen amahguak hoihtak in paitheilo, tutheilo bekthamlo an zong hoihtak neitheilo hi.

Hih naupangpa thu azakkhak asimkhak ciangin nupikhat lungnuam hetlo hi. Aki theigei hipeuhmahlo, aomna uhzong khatlehkhat Tai 4000 bang akigamlo himahleh Julie Jones akici ta nih aneikhin Liverpool aom nupi khatin hih naupangpa a ngawnggui hoihtak Operation akibawltheih nadingin hanciampih a, sum adonsak kawikawi ciangin £12,000 ngahsak mawk hi.

Julie Jones ii thukhualna, midang hehpih theihna thupha hangin India gamsung aom hih naupangpa in damna hongngahta hi. Midang naupangte mahbang in sangkahthei, an nethei, ki mawlthei ta hi.

Hih naupang Mahendra Ahirwar pen Madhya Pradesh, Central India gampan hi a, asuahcil in naupangdang te mahtawh akibang ahihi. Ahi zongin honggolzawk deuhdeuh ciangin a ngawng thagui te zaw in, alu pen hong kuaisuksuk cimawk hi.

Anu apa te’nzong zatui tuamtuam tawh bawlsak kawikawi uh a, ahi zongin noptuamlo ahih manin, anunung ah acih nading uh theinawnlo in aomcip uh ahihi.

Anu apa na ngawn in hihbang in anuntaktak pen hehpihhuai, sizawleh ama adingin tawldam huaizaw acihliang uh ahihi.

Operation akibawlma in kum 36 aphakhin apianna anu in hih kata uhpen hihbang in athuakthuakding hehpih huailua hi. Amah leh amah in bangmah hihtheilo hi. Nisim in sunthapai innkiu khatah tucip in, ama adingin nuntakna cihpen amawkna taktak hi. Naupang bangin tawikulden a, akisap khempeuh ka bawlsak kul hi.

Hong golsemsem henla, tawizo nawnkeileng bangci mawkding? Doctors te’n kata uh nong bawlsak theihkei uhleh Pasian in anuntakna lamaileh hoihzawding hi ciliang hi. ZD Sawltak #zomidaily