Nuntak damhun sung Siamsin

Nuntak damhun sung Siamsin

Ikum hongtam ciang in siamsin te hinawnlo cih ngaihsutna in kikhial hi. Kumtam tektek leh sinding theihding akisam tamh tektek hi. Kawlgam leuleu ah siamsin pilna pen khangmoi hunlaibek siamsin in ki ngaihsun khial hi. Akhangto gam minthang leh anuamsa gam te in ahih leh nuntak damhun sung siamsin (Life long learning) nasep in nei hi.

Kawlgam ah siamsin cih pen lai theih nading laisinna ciang hi a, khangnou hunlai sung teng bek in kingaih sun in, Khangham khit teh na khempeuh athei asiam asin khin dan in ki ngaihsun in kiom hi. Ngaihsutna adaangdaai lai mahmah kiuk na gam ah hih man in Innsung ah nisim ineek an huan zia bek zong aliim in akihuan thei nailo anliim aduh mahmah ihihi.

Life long learning cih kammal azang gam minthang gamte sung ah leitung nusia in asih masiahsiah kisin den siamsin in ki ngaihsun hi. Kawlgam ah ahih leh Learn cih kammal kitheih mawh bawl kitel sak nuamlo , damm hunsung kisin siamsin hihna kimusak nuamlo mit kihumsak, kamvang kihuuk sak, Bil vang kikhak sak nuamten itel ding in (“Acquire information or skill: to acquire knowledge of a subject or skill through education or experience”) Ihdam hunsung tawh kisai siamsinna kihilhna, kisinsin den siamsin den damsung sangnaupang te ihihi. Kumtam hang in theihna telna tawm ahih teh gam minthang te pilna theihna zah’ theihtelna kinei nailo gam ihih man in igam pilna pen naupang ahihi.

Laitawh kisin kihilhna aman khinsa ten asin nop leh atheih nop uh tampi kisam ahih lam teltheih tektek ahih hang in laitawh kisin na sangman nailo pipi kumpi nasep na thuneihna sung ah a kilut man in Khantawn damhun sung siamsin akihih lam kithei lo hi. Tua man in kumpi nasep na huamsung ah neek zong pilna akui tungnailo nasep lut kha te in mipil miciim miteitang akhang tou gam te nasep siamsin na akisam den thu kiphawk khalo hi.

Tua ahih man in kumpi nasep theihna huamsung alut ding gammite in laisin hun saangman khitteh kumpi nasep lut hi leh khantawn damsung siamsin hihna akisap na thu kitheitel kim ding ahihi. Siamsin sang mannailo pipi palik, galkap lut kha gammi te thosii thovaai guahzu meikaai khuadam khualum lak ah molhtum kitawi sakna leh atawi kumpi nasem pawlkhat te hamsiatna mahmah kumpi nasem ahi hi. Nuntak dam hunsung siamsin ihih lam kiphawk sak kihilh huai hi. Adiakdiak in zomi khangnote siamsin sang manlopipi palik galkap luttum huai het lo hi.

Hau Thang