Numeikhat asumbawm amansuahding patau in X-ray Machine sungah lutkhawm
China gamsung aom meileng tuangdingte Security Check kibawlna Railway Station khatah numei khatin asumbawlguak X-ray Machine sungah koihngamlo ahih manin, amahzong X-ray kizaihna sungah bungveva kawmin lutsuk cih thuthang Reuters pan kiza hi.
China, Guangdong Province, Dongguan khuasung aom meileng khawlna “Railway Station” ah thupiang hi a, numeinu X-ray Machine sungah alutmadiak leh alutkhit X-ray sungah abun veva laitak Photo te Social Media ah ki thehzak in, lamdang kisa mahmah hi.
Railway Station ah nasem ahi Security Staff te’n lamet hetlohpi in X-ray Screen sungpanin mihingkhat hongsuakkhia bembam amuhkhak uhciangin lamdang samahmah uhhi.
Pear Video te’n hih numeinu X-ray Machine sungah alutna akhahkhiatna ah thupiangpen February 11 ni ci’n Screen tungah ki muthei hi.
Athu aki genna ah tua numeinu pen avanpuakteng X-ray Machine ah sitsak kulding akicih ciangin, asumbawm amansuah khakding patau ahih manin, asumbawm tawh X-ray Machine sungah alutsuk ciziaulel hi.
X-ray Machine sungah mawklutpen cidamna tawh kituaklo ahih manin, Railway Staff te’n mipi te kuamah X-ray Machine sungah lutkei un, Radiation lauhuai mahmah hi ci’n mipite theihding, kidopding in genkhiatna nei uhhi.
More: Cocaine akikoih Condom bekbek 60 nawmvalh in Thai gamsung alutsawm numeikhat kiman
Tulaitak pen Senkumthak “Chinese Lunar New Year” hun ahih manin, muntuamtuam gamtuamtuam ah nasemte amau omna khuaciat ah innkuanpih meltheih tanau tetawh ankuang umkhawmding in azuat ngeingai laitak uh ahihi. Chinese New Year hunsungpen adiakdiak in China ah kumkhatsung khualzin gamvak atampenpen hun “busiest travel period” ahihi. Sawltak #zomidaily
Comment piaknop aomleh...