Numei-te’ tungah

Numei-te’ tungah

Numei-te aw,

Esther kumpinu i cih zong tagah numei khat hi lel a, mi’ inn sung panin a khangkhia to khat ahi hi. Ahi zongin amah a lungsim picing in,geelna, ngimna kician nei-in, Pasian a zahtak numei khat ahi hi. Tua ahih manin Pasian in amah ompih a, Jew mi khempeuh thah nading thu piakna a omsa hi mah ta leh, hangsan takin Pasian’ upna leh muanna tawh ma a pan’na tungtawn in, amah a kipan a minam buppi-in suahtakna ngah uh hi.

Numei hi lel ing ci-in, kineu ngaihsut tuan kei in. Geelna, ngimna nei loin om mawkmawk kei in. Topa’ zahtak in la, picing lungsim nei-in, Topa muang in la, geelna, ngimna kician nei-in. Pasian’ in, ama minthan’ gamzai nading leh gam leh minam adingin numei-te zong leitung bup dongah hong zang thei lua hi. Amen.

Khazih sungah,
David Tuang