Numei te kidop ding (a diakdiak numei no te)

Numei te kidop ding (a diakdiak numei no te)

1. Nu leh Pa, u te lo tawh inn pan a ki gamla ah khatguak pai kei in.

2. Inn pan na paikhiat simsim in na nu leh na pa te theisak in.

3. Sangkahna pan lambanglo in na inn ah tangtak in ciahsuak pahpah in. A hihtheihleh lawmte tawh tonkhawm in.

4. Na pai ngeikohna munah pai ding hong kizotleh zui kei in.

5. Na theih ngeikoh mi tawh ki hopih se kei in.

6. Na theihngeiloh mi khat peuhpeuh in hongpiak nektheih tuamtuam te ne kei in.

7. Mi tam lak (pawi lak) ah khat guak mawkvak kei in.

8. Mi dang khat peuhpeuh na khut ki lensak, ki lawngsak kei in. Man ki zaihkhawm ding a ci zongin ki phal kei in.

9. Lim tuamtuam, video tuamtuam a phone sungpan hong lak zongin en sak se kei in.

10. Mi omlohna, khuamialna lampi ah khat guak pai kei in.

Nu leh pa te theih ding

1. Inn pan a ki gamla na munah paisak/sawl kei in.

2. Na ta nungakno te nitak khuamialkhit vakkhiasak kei in.

3. Guihtheih khamtheih a zang mite gei ah na ta te omsak kei in.

4. Mi khatpeuhpeuh muang in na ta te mundangah a pai ding phalkei in.

5. Mi khat peuhpeuh kep dingin na tate ap kei in.

6. Sangkahna, tintan kahna ah khat guak paisak ziau kei in. (Kha tangtang in).

7. Nulepa vai peuhmah na ta naupanglai te muhna ah bawl/gen/ciamnuih ngeikei in.

8. Na tate omdian a tuampian aomleh hoihtak thudong inla a hangkan pah in.

9. Naupangte hong genthu te hoihtak ngaihsak inla thupi bawl in.

10. Nulepa vaipen a kum cinciangin pilna a ngah nadingin a thu in hilh in. Siamsin Library

Pasian in thupi a sak ngaihsutna

Ih ngaihsutna kua mah in hongtheipih loh laitak in ngaihsut theihna hongpia Pasian in hong thei hi. Ih ngaihsutna hong sittel in hong en tel hi. I sepna tuamtuam te sangin Pasian ih lungsim tawgen aa thute tawh thu khen zaw hi.

‘Na khempeuh lak ah lungsim a khemhat pen hiaa, a kisia pha mahmah a hihi. Kua in lungsim theizo ding ahi hiam? Keimah Topa in mi khempeuh nuntak zialeh a gamtatna tawh kizui in a piakhia dingin ngaihsutna ka entel a, lungsim ka sittel hi’ ci hi. Jeremaiah 17: 9-10. Pasian in a piakkhiat theih na dingin mihingte lungsim hong en hi.

I vawhbangin i at dinghi. Mi vawh i at kei ding hi. Ei vawh bangin hongat sakding Pasian ahihi. Tua hiaa ih lungsimsungah khaici a dim in tuh ni. Hongpo dingaa i at ding hi. Hihpen leitung ngeina ahihi.

‘Na lunggelna pen a taktak hongsuak hi. Na ngaihsut mawkmawk thu te kidawm in, a takpi hongsuak kha ding hi. Nangpen nanglenang na kingaihsut pen mah na hihi’, ci in ‘I Can Do it’ cih laigelh nu Louise Hay in hoihtak in na at hi. Book Ref: Baihlamtak a Nalianpi Sepna