Numei leltak naci ngeihiam

Numei leltak naci ngeihiam

Numei te pen alungsim uh nem in, athuak zawhna uh zong tawm hi. Aw khauh pian leh agingpian in ki hopih leh khasia mahmah thei uh a, khut lum nga a, vuak kul loin akhitui uh luangthei hi.

Ki it ki ngaihna lam ah zong a ngaihna uh lian zaw in, a-itna uh zong thuk zaw uh hi. Mi dangte a mau deihna bangbang in omthei leh ut uh a,ahi zongin apau bangbang un,sem ngam taktak lo uh hi.

Pasal te pen aheh mahmah uh hang un, khitui luang in, khial ing ka mawhna hong maisak in ci-in aki thum ciangin thu khual in ngaih sunsun thei lai uh hi. Ahi zongin numei te pen aheh nate uh alungsim sung uh ah koih uh a, khitui luangkawm in mawhmai na aki ngen zongin nung kik sawmlo uh a,a maisak ding uh haksa sa mahmah uh hi.

Numei te pen lungsim nem mahmah tawh akibat hangin sik sangin khauh zaw uh hi.Tua ahih manin pasal te-in zawh thawh ngam ding hilo uh hi.

Mi ngai baih uh a, ahuat ding uh zong baih hi.Kap baih uh a,ahi zongin akhitui uh a nulkhit uh ciangun lau huai mahmah uh hi. Numei te aheh taktak uh ciangin pasalte sang lau huai zaw thei uh hi.

Numei te leei pen letmat thum in sau a,ahi zongin pasal pi guk a,asang that thei hi.Japan paunak.

Numei,sum leh zu,te-in nopna leh gu kemkhawm uh hi. French paunak.

Numei, mei leh tuipi te pen lau huai mahmah uh hi. Greek paunak.

Maan tawh akibawl hai ki tam te leh numei te lau huai den hi. Greek paunak.

Lai Siangtho sunga mi hatpen a,aki gen SamSon pen numei khat hangin ahatna bei-in gal lel in si hi.

Tua ahih manin numei te pen mi mawkmawk hilo uh hi.Numei te loin innkuan sung nop taktak thei lo-a, numei te loin pasalte zong omthei lo uh hi. Tua ahih manin aheh khit uh ciangin daitak a,omsan hithiat ding hoihpen hi.

Numei lel tak naci ngei hiam,ci nawn kei in. Zomi history group