China meileng sungah numei khatin atheih ngeiloh pasalkhat petgawp
Southwest China gamsung ah meileng atuangkhawm Passenger te lakah numei khatin atheih ngeiloh pasalkhat petgawp cih SCMP pan kiza hi. Tuabangin numei khatin pasalkhat apehgawp ciangin buaina piang a, meileng sungah atuang Passenger khempeuh ki pusuak khiasak hi ci’n Local Media te’n Thursday ni in pulakkhia uhhi.
Hih buaina hangin Chongqing Rail Transit meileng thunei te’n meileng khawlsaksuak uh a, numeinu pen meileng sungpanin hemkhia uhhi. Police te genna ah tua numeinu pen apasal tawh kitawng in, innkuansung nupakal buaina aneikhat hi ci’n genkhia uhhi.
Peh athuakkha pasalpa pen kum 56 aphakhin khat hi a, si luangkhia ahih manin Hospita khatah kipuak in aliamma kibawlsak hi. Pet athuakpa leh apet numeinu pen kithei ngeilo uh kici hi.
Chongqing Morning Post te’n Video akhahkhiatna ah hih thupiang pen abeisa Wednesday 1pm hunpawl in thupiang ci a, pet athuakpa pen meilengsung tutna ah atu ahihi. Tualaitak in numeinu in naihphei in deihtak in kawicip a, a ngawng pehsak cihi.
Tuaciangin pasalpa zong deihtak in ki tomkhia a, numeinu pen sawnkhia in leilak ah tuksuk hi. Tuaciangin numeinu pen apuanteng suahkhia, sukekgawp in aguaktang in meileng sungah dinggega hi.
Video: A video recently emerged online showing a woman fiercely biting a seated passenger on the neck in a train at Jinzhu station. After the man managed to fend off the attacker, the woman fell to the floor and started to tear off her clothes. The 56-year-old man had dropped to his knees, twisting with pain. An investigation into the accident is underway. According to the Chongqing Rail Transit, the 36-year old woman lost control of herself due to “relationship problems with her husband.”
Thepaper.cn Media te’n adang Video Clip khat akhahkhiatna ah tua numeinu pen pasalpa apehma in kugawp in, kidokgawp in Movie sungkhawng a Vampire te bangphial in delgega in kidokgawp cihi.
Chongqing Rail Transit te’n nitaklam 6pm hunpawl in Statement khahkhia uh a, tua numeinu pen kum 36 aphakhin khat hi in, apasal tawh kitawng, innkuansung nupakal buaina aneikhat hi a, alungsim aki kemzo nawnlokhat ci uhhi.
More: Singapore MRT meileng khawlna ah numeikhat aguaktang in aomlaitak Photo ki thehzak
Tua meileng sungah atuang Passenger khempeuh Jinzhu Station ah kituak khiasak in, Police te kisam a, tua numeinu pen kiman hi. Athu akicianzaw in Police te’n kanbehding cih kiza hi. Hihnu tepawltawh meileng tuankhop dingzong cidam mahmah keileh baihlo khading hi 🙂 Numei tepen aheh suakvanglakleh baihtuaklo hi. Sawltak #zomidaily
Comment piaknop aomleh...