Nulepa khualzinding akhakkhit ciangin innlam azuan atate tuahsia in unau 3 si

Anu apa te khualzinding akhakkhit ciangin innlam azuan unau 3 tuahsia in avek un si

Malaysia, Kuantan ah mawtaw khat kibung in unau 3 sihkhat in si a, ameltheih tezong mi 2 liam cih NST pan kiza hi. Hih unau 3 tepen anu apa te uh khualzinding in vanlengtual ah akhading in innpan azinkhia uh hi a, aciahlam ciangun mawtaw kibung in a unau 3 un asi uh ahihi.

Kampung Batu Putih geinai Jalan Kuantan – Pekan lampi tungah tuni Saturday (Dec 23) zingsanglam 5:45am hunpawl in akibung ahihi. A mawtawzat uhpen MPV (Multi-purpose Vehicle) khat hi a, lamgei ah ki lumlet velval hi.

Hih atuahsia unaute pen anu apa tepen Saudi Arabia gamsung aom Mecca khuapi ah “Umrah” ci’n apasian uh abiading, Pilgrimage in azin uh ahihi.

Selangor, Sepang aom Kuala Lumpur International Airport (KLIA) ah akhak khitzawh uh ni 2 khitciangin ateenna “Hometown” uh ahi ampung Padang Lalang, Kemaman, Terengganu ah amau unau 3 leh meltheihte aciahkik uh ahihi.

Selangor panin Melaka lam zuanin apailaitak amailam panin mawtaw adangkhat tawh kituak uhhi. Amau tuanna Chery MPV mawtaw ahawlpen in hoihtak lenkip theilo, Lost Control ahih manin ki lumlet in, anau unau 3 teng asi uh ahihi.

Atuahsia asi unau 3 tengpen Wan Nor Afifah Wan Mohd Kamaruzzaman (kum 28), Wan Nor Athirah (kum 27), Wan Mohd Mahathir (kum 14) ahi uhhi.

More: Malaysia, Kuala Krai ah mawtaw tuahsia in, sangnaupang mi 6 si, 8 liam

Mawtaw atuankhoppih asi ameltheih 2 tepen Tengku Ampuan Afzan Hospital ah kpuak in zatui kibawl uhhi. Kuantan Police Headquarters panin Traffic Unit thuneikhat inzong hih tuahsiatna pen apiangtakpi mahhi ci’n genkhia hi. Atung a Photo pen anu apa te khualzinding akhak laitak, innkuan akimlai un aki zaihkhop uh ahihi. Anu apa te innlam atunkikciang alung uh kidang mahmahding hi. Sawltak #zomidaily