North Korea pa luanghawm hangin Hospital Kuala Lumpur ah Security khauhsemsem

North Korea pa luanghawm hangin Hospital Kuala Lumpur ah Security khauhsemsem

Malaysia, Kuala Lumpur Airport sungah akisuamlum North Korean Kim Jong Nam ii luanghawm pen GHKL (General Hospital Kuala Lumpur) ah kikemlai ahih manin, zato geiteng ah Security khauhsak semsem hi ci’n theStar in genkhia hi. Kim Jong Nam ii luanghawm pen North Korea te’n ngetna nei uh a, ahi zongin Malaysia kumpi te’n a innkuanpih khatpeuh hongpai keileh aluanghawm piakhia theiloding ci uhhi.

Tua ahih manin asipa Kim Jong Nam ii tapa Kim Han-sol pen apa ii luanghawm alading in Malaysia hongpaiding ci’n kigen hi. General Hospital Kuala Lumpur ii misi koihna Mortuary geiteng ahzong Special Task Force On Organised Crime (Stafoc) te’n thautawisa in limcin mahmah uhhi. Dang Wangi OCPD Asst Comm Mohd Sukri Kaman zong misi kikoihna geiteng ah kilehzel kici hi.

Ahi zongin asipa ii atapa Kim Han-sol pen tudong Malaysia ah kimu khanailo hi. Hih Kim Han-sol pen Kim Jong Nam ii tapa upapen hi a, kum 21 bek hipan in UK gamah sangkah in om kici hi. Apa aki suamlupma in amah ki suamlupsawm cihthu za ngei ahih manin laumahmah hi. Tua kawmkal ah Malaysia Airport sungpanin apa ki suamlum takpimawk ahih manin, apa sihkhitzawh amahzong aki suamlupding patau semsem cihi.

Amah asuamlupsawm penzong midang hilo a, tulaitak North Korea makaipi asem apaneu Kim Jong Un kici hi. Apa zong apaneu ii thahsakding mahin kigen hi.

Kim Jong Nam pen Switzerland gam aom University khatah sangkah in akhangkhia hi a, pilna zong sangpi neihtuak hi. Computer lamsang ah kivakna hauhtuak mahmah hi. Atapa zong UK ah sangkah hi a, amau innkuan pen North Korea gamsung ah tam omlozaw uhhi.

More: Kim Jong Nam kithahna hangin Malaysia gamsung Security khauhsak mahmah

Tua ahih manin Kim Han-sol ii apa sanggampa leh ama paneu ahi North Korean Leader Kim Jong Un in asiansuahsawm kici hi.

Kim Jong Nam kithahna hangin Malaysia gamsung ah mi 4 kimankhin hi. ZD Sawltak #zomidaily