North Korea in Missile sitna nei leuleu

North Korea in Missile sitna nei leuleu

Feb. 12, 2017: North Korea tu ni-in intermediate-range Musudan missile sitna (tests) nei a, a missile sit uh Rodong medium-range missile hilo in intermediate-range Musudan missile hi zaw hi ci-in South Korea galkap ten pulak uh hi.

Tu zingsangin North Korea in a North Pyongan vanleng phual (air base) panin missile sitna nei a, tai (miles) 300 a len’ khit zawh in Sea of Japan ah kia hi. South Korea ten hih missile kisit pen telcian lo uh a, Rodong medium-range missile hi ci-in pulak man uh hi.

“North Korea in a missile sit pen a tui kizang a khal (solid fuel) hi a, intermediate-range Musudan ballistic missile kipuahphate hi-in, medium-range Rodong missile hilo hi,” ci-in South Korean Joint Chiefs of Staff (JCS) in ci hi ci-in Yonhap news agency in suaksak hi.

Musudan pen ballistic missile nam khat hi a, 4,000 kilometers (about 2,500 miles) tan leng zo dinga kibawl ahi hi. Rodong missile pen 1,000 kilometers (over 600 miles) val bek leng zo hi.

North Korea in a beisa khate missiles a hun khop sitna na nei uh a, tuate lakah September kha-in zong nuclear galvan a sitte lak-a a hat pen a sit manin a gam kiimte leh leitunga gam tuamtuam ten mawhpaih ngeingai uh hi. Source: Sputnik/ Thang Khan Lian