Nikhatsung palik asempak ahehpihhuai naupangno

Malaysia gamsung aom Muhammad Alif Aqil Shaiful Azhar kici pasal naupangno kum 8 bek aphakpan hangin Leukaemia kici adamthei nawnloding ေသြးကင္ဆာ Cancer namkhat natna ngahkhia citciat hi. Hih nuapangpa pen aneucil in “Polis Evo” cih Movie enkha ahih manin palik a ut mahmahkhat ahihi. A golciang palik semding cih ama lunggulh mahmahkhat himah taleh Cancer natna ngahkha citciat sese hi.

Tuma kumkhat laipek akipan Leukaemia Cancer natna tawh Hospital Kuala Lumpur (HKL) ah lumcip a, ama lunggulh ahi agol ciangin palik suakding, migilo te bengkhiading cihpen a sunmang pen a tangtunding honggamla tektek hi.

Tua ahih manin hih naupangno ii alunggulh mahmah palik suahding pen adamlai in alungkimtheih nading in kumpi zato leh NGO te’n vaihawmpih uhhi.

Damansara Police Station panin zanni in palik mawtaw khat kawmsak uh a, tuatung ah naupangno atuansak uhciang in amai hongtai pah a, hong nuihmaipah siusiau hi.

Petaling Jaya OCPD Asst Comm Mohd Zani Che Din ii agenkhiatna ah hih naupangno thupen HKL panin Doctors te’n hong gen uh ahih manin, naupangno ii alungkim nading in aki vaihawmsak hi cihzong pulak khia hi.

Nikhatsung palik mawtaw tawh Kuala Lumpur khuasung ah vakpih kawikawi uh a, nitaklam ciangin a innkuanpih te kiangah ciahpihkik uhhi.

Naupangno kum 8 aphapan khat ii alunggulh, asunmang pen hiciang tawh amai mangding ahihmawkleh khasiat huai mahmah dinghi. ZD Sawltak #zomidaily