Niin tam pailuatna a lahuhuai hiam? ~ Hau Lun

Niin tam pailuatna a lahuhuai hiam? ~ Hau Lun

Niin tam paina a hangte

• 1. Naubu sungah Myomas kici sabawk namkhat hang
• 2. Naubu sungah Polyps kici sabawk namkhat hang
• 3. Naubu kawm satak ah Uterine Adenomyosis kici sabawk namkhat hang (Hih sabawk nam in niin neih sung tai natna piangsak thei hi.)
• 4. Naubu cancer
• 5. Naubu gong cancer
• 6. Hormone ki cinloh hang

Atung aa No.1, 2 leh 3 te pen naubu sungah sabawk omna hang hi-aa numei tampi in thuakkha hi. Kum (50) val khit ciang piangnuam deuh hi. Naubu sunga sabawk a neu leh zatang nekna tawh dam thei hi. Sabawk a gol leh at khiat ding ki sam hi.

Tuabang sabawk namte Naubu sungah hong pian leh pumpi tungah hong ki hilziate

• 1. Nidang sang niin tampai zaw
• 2. Niin neih ciang tai na
• 3. Lungam, thabei
• 4. Sungkhak
• 5. Lutangna
• 6. Naubu sunga sabawk in hong do
• 7. Zunsuak pahpah
• 8. Pasal tawh lupkhop ciang nasa
• 9. Naupaai hak
• 10. Nausia

Tua bangteng na thuak leh a manlang in Siavuan te kiang ki lak in.

4. Naubu Cancer

Naubu cancer cih pen naubu sungah sabawk nam khat mah hi. Tua sabawk pen cancer ahih manin pumpi tung ki zeel thei hi. Thei baih in ki lak baih leeng Naubu lakkhiatna tawh damsiang thei hi.

5. Naubu gong cancer

Naubu gong cancer pen naubu sung ah om cancer hilo hi. Naubu ii a gong ah piang cancer nam khat hi. A tamzaw pen Nu leh Pa omkhopna pan a ki ngah thei Human Papillomavirus (HPV) hang hi. Kumtawm lai pasal tawh a omkhawm baih ten ngah thei deuh uh hi. Hih cancer pen numei khempeuh in hun manman in ki sit sak huai hi. Zato ah baihno takin Pap smear tawh ki sit thei hi.

6. Hormone ki cinloh hang

Siavuan te kiang ki lakin Hormone kihel zatui nekna tawh dam thei hi. Deihsakna tawh, Hau Lun Ref: Family Doctor