Nepal vanlengtual ah Leopard kimu ahih manin tawlkhat kikhakcip

Nepal vanlengtual ah Leopard kimu ahih manin tawlkhat kikhakcip

Nepal gamsung aom vanlengtual Airport ah Leopard akici gialbem sahang namkhat kimu ahih manin vanlengtual tawmvei kikhakcip cih AFP News in genkhia hi. Tua vanlengtual pen Nepal gam ii International Airport hi a, Monday ni in vanleng taina Runway geinai ah gialbem akimu ahihi.

Kathmandu khuasung aom International Airport pan akimu hi a, Spokesman khat ii genkhiatna ah tua Leopard pen vanlenghawl Pilot khatin amuhkhak hi a, vanlengtual zong Minute 30 sung ki khakcippah cihi. Wildlife & Security Officers te’n vanlengtual geinaiteng zon kipanpah uh a, ahi zongin ki mukhiakik zonawnlo cihi.

Hih akhakcip hunsungin International Flight khat ziakaituam in, adang vanleng te ahihleh nawngkaina omlo hi. Kathmandu khuapen gamsung tawh kinai ahih manin khuasung ah khatveivei Leopard te kimuthei zelzel cihi.

Abeisa hunsungah vasa te’nzong vanlengtual nawngkaisak thei cihi. Tuaban ah ui vakthap leh ganhing vakthap pawlkhat in vanlengtual asunglam Runway ah nawngkaina piangsakzel cimawk hi.

2016 kum inzong Passengers mi 9 bek atuang vanleng khat ataklam akha “Right Wing” tawh vasa kiphukha ahih manin, amanlang in Emergency Landing abawl uh kulsakpah cimawk hi.

2012 kum inzong Aircraft khat alenkhiat khitdeuh asawtlo in vasa khattawh kiphukha in vanleng kiatlawh cimawk hi. Tuahunlai in mi 19 takin sihlawh uhhi.

More: Guahtui tamluatna hangin Nepal leh India gamsung ah mi 90 val sikhin

Nepal, Kathmandu City sung aom International Airport pen nopci vangvanglualo hingelding hi. Ganhing khawina ahih lohhang Passengers te’n gankhing tuamtuam galmuh pahpahthei hihtuak hi. ZD Sawltak #zomidaily