Nepal Gam Mission Field Biak inn Kisia Huh NgetNa

Nepal Gam Mission Field Biak inn Kisia Huh NgetNa

Athu-Nepal Mission Biak Inn kisia Huhngetna
Date May11,2015,

ZOMI Buptung ah Tangkona leh uhngetna
Kong It ZOMI pihteng aw , Ka omna Tahan pan in Nepal gam Mission
field a nasem Rev,Thawn Do Lian(EBC),Lamka,Zogam a ding in hih Zonet
tung tawn in huhna kong ngetsak hi. I theihsa mah bang in Nepal gam
zinlingna hang in inntampi kisia in mi tulval in anuntakna uh tan cih
Media tuamtuam ah i mu hi.Tua ban ah Zolia Lasa Song Tin Par in zong
nitakkhat a lasakna sum ngah Ks.1500000 Nepal gam a gentheite a ding
in huhna piakhin cih iza hi.

Rev.Thawn Do Lian pen Lamka a EBC pawlpi hi in,Jeoju University,Korea
ah 2004-2006 Th,M kasinpih khat hi in,EBC Church Pastor bek hilo
in,District Superintendent (DS) ciang zong a semngei mimuanhuai khat
ahihi.

Hihthutawh kisai in kua minzang ding cih theituan lo in,mipi tung ah
amin koktuamneilo in kong gelh ahihi. Kenbel Singapore ah Zomi tampi
om in,Dr.Hau Za Cin zong contact ve,USA ah zong Rev.Pau Khan Khai
muanhuai ding ka ci hi. Ken maute theilo nang mah in navanve ci in,kei
zong hih ka mingente tuabang Fund hong zawsak un ci ding in, kei kua
ka hiam? cih ka itel a ka kisuanbawl mahmah hi.

A hizong in bangbang hita leh Pasian in a lumgsim a lawnkhakte tung
ah huhnopna,lungsim neiding hi ci in khensatna tawh gamdangmite bek
NGO huhna a piathei hi lo in,ZOMI te zong migenthei haksate leh Pasian
biakna innding ahuhnuam minamte a hih man in hih huhngetna lai kong
gelh hi.

Pasian leh I minam a ding,I Zomi pih a ding Phatuam ngai
peuhpeuh in USA,UROPE,UK,NORWAY,DENMARK,MALAYSIA,SINGAPORE,KOREA
muntuamtuam a om Pastorte leh Iminam a veite in no omna tek ah makai
no leh no kiseh in sum kai khom a,anuai a Adress Rev.Thawn Do Lian
nomah in na contact na ding uh Jesuh min in kongthum hi.Hih konglai
gelh na hang in huhna piate in kei tung ah sum hilo in,email hong
khak le uh cin Ka Pasian nasepna lawhcing hi ci in ka theinuam mahmah
hi.Keihuh theih hih lai kagelhsak ciang bek ahih man in,No tuipi gal a
om Zomi akua mah peuh in,Pasian na itna uh leh I sanggampa lungkhamna
sum tawmkhatektawh na thuakpih in,nahuh le uhcin ci in Jesu min in
kongthum pha pha hi.

Information
Contact to NEPAL
KHAM LAM TUANG
Rev. THAWN DO LIAN
TAHAN AGAPE BAPTIST CHURCH
Phn.0933567674 EBC
MISSION FIELD SUPERITENDENT
[email protected]
BIRTAMODE,JHAPA-EAST NEPAL
TONGPHILA,KALAYMYO Phn.+9779815913523

[email protected]

Facebook.com/thawnlian