Naupang kum 7 bek aphapan khat kawnggak tawh 62 vei azepgawppa kiman

Naupang kum 7 bek aphapan khat kawnggak tawh 62 vei azepgawppa kiman

Nukik neite lah baihtuak kei ei, pakik neitezong noptuak tuankei. Anih in abaih omtuakkei, athuakkha te hehpihhuai mahmah uhhi. USA gamsung aom Texas State sungah pasal khatin a lawmngaihnu Girlfriend ii atapa (amahtawh ata hilo) pen kawnggak tawh a zepgawp laitak CCTV panin ki Record kha citciat cih Daily Mail in genkhia hi.

Tuapa minpen Kordarell Williams kicikhat hi a, kum 27 aphakhin khat ahihi. A lawmngaihnu ii atapa pen kum 7 bek aphapan hi a, kawnggak khattawh 62 vei zekgawp ahih manin “Child Abuse” tawh palik te’n mankhin uhhi.

Video Clip aki Record sungah aki etkik ciangin Minute 5 hunsung in kawnggak khattawh alu, aliang, akhe teng zepcihtak in zepgawp a, akigawm in 62 vei zep cimawk hi.

Tuapa pen palik te’n amatkhit uhciangin thukhenzum ah kitun a, Court panin agenkhiatna ah kazepmah ci’n genkhia hi. Ahangpen tua naupangno in Phone Charger khat gu ahih manin asatgawp cihi.

Kawnggak tawh azep banah akiu tawhzong alu tamveipi khawng cilai hi.

Hih thupiang pen Thursday ni nitaklam 5pm hunpawl hi a, Northwest Houston Apartment geikhat aom ninkipaihna gei ah ahihi. Ageinai panin amukha khat ii genna ah tuapa in a mawtaw pen ninpaihna gei ah akhawlsak khitciangin mawtaw tungpan tuakkhia in, naupangkhat mawtaw sungpan kaikhia cihi.

Tuapan in naupang kum 7 bek aphapan himahleh hehpihna lungsim neivetlo in zep acihin zepgawp cihi.

Police Report akibawl ciangin palik te’nzong Video sungpan mawtaw number tawh kankhia uh a, nai 3 sungin tua naupang asatgawppa mankhia theipah uhhi. Tulaitak palik te’n kem uh a, thu bawlding uh cih kiza hi. Naupangpa ahihleh Child Protective Services te’n kemphot uh cihi. ZD Sawltak #zomidaily