National Youth Policy tawh kisai Zomi khangno te kikupna

National Youth Policy tawh kisai Zomi khangno te kikupna

Kalaymyo Khuasung a om Zomi Khangno Kipawlna tuamtuam 27 pan makai teltuam mi 70 kimteng kimuh khopna ding vai pen Youth Policy (3rd Final Draft) tawh kisai Union Parliament pan Gambup Thukhunpi hong suahta ding uh ahih manin Zomi Khangnote lampan ei muhna le Zomi Kalsuanzia tawh kituak maw kituaklo cihte kikup khopna lawngkhat in i pulak khoptheih nading lunggulhna hi.

Tua ahih manin sapna ngahte peuhmah in i Zomi Khangnote Policy ding himawk ahih manin na hunmanpha tampite nusia in nong kihel hamtang nading kong zasak phapha uh hi.

Co-Sponsor

• ZYA Myanmar (Munlemual)
• CNRWG (Nekledawn kisam dang vekpi)

Ani : Jan 27, 2018 (Saturday)
Ahun : 7:30 AM – 4:00 PM
(Breakfast/ Lunch) piading
Amun : ZYA Myanmar Zumpi, Kalaymyo

Kalaymyo sung a Misat, Phone la, Migilote vai ZYA pan Tangkona

A tunga Thulu tawh kizui in Kalaymyo sung tunai teng in lampi a pai mi deksat phone laksak a langmahmah tawh kisai in tuni Meeting nasiatak in kinei hi. Hih vaitawh kisai pen Palikte tawh kithuah loh phamawh ahih manin Palik zum ah huhna kingen a Sakhanmu Tet Naing Oo hong paipah in nasep ziading hoihtak kikupna kinei thei hi.

Sep zia ding
1. Nitak 9:00 PM pan kipan a vengveng ah ZYA makai in Palik, Hausa le မီးသတ္ tawh kithuah in avak khempeuh ban sit ding

2. Kalaymyo Sung Pawlpi kim ah Kidop huaizia zong ZYA pan Lai kikhak ding.

3. A vengveng ah khangno tha kisam mahmah ding ahih manin akipiakhia zo khangnote tawh kisem khawm ding hi.

4. Thu thak khat peuhpeuh kohnopna/ kipiak khiat nopna i neih le

• Pa Vungh Za Khup (Convener) ‎09400307712
• Pa En Khan Go – ‭09400307957‬
• Pa Ngul Do Tuang – ‭09763912900‬ tetung kiko thei ding hi.

ZYA Myanmar
Jan 24, 2018