USA, Nashville aom ansai sungah thaukikapna piang, mi 4 si, adang tampi liam

USA, Nashville aom ansai sungah thaukikapna piang, mi 4 si, adang tampi liam

USA, Tennessee State sungah thautawi pasal khatin mi 4 kaplum in, adangzong mi tampi kapliam cih Fox News pan kiza hi. Tua thautawipa pen puansilh bangmah neilo aguaktang (Naked Gunman) kici hi.

Tennessee State, Nashville khuasung aom Waffle House kici American Restaurant Chain sungah Sunday zingsanglam in thupiang ahihi.

Police te genkhiatna ah tua thautawipa pen amin Travis Reinking ci uh a, kum 29 aphakhin khat kici hi. Sunday zingsanglam 3:25amhunpawl in Waffle House kici Restaurant sungah anne in atu hithiat Customers te thautawh akapgawp cimawk hi.

Hih buaina apiangna Waffle House pen Nashville City khuapi ii Southeast lamsang ah aom khuakhat hi a, nashville panin tai 16 Miles bang agamlakna ah aom khuakhat ahihi.

Metro Nashville Police te genkhiatna ah tua thautawipa pen aguaktang (Naked) ci uh a, thautawh mi akapkhit ciangin tuaphual panin taikhia vingveng ci uhhi.

Metro Police Department panin Don Aaron kici Officer khatin agenkhiatna ah tuzingsang in pasal guaktang in apaikhat amukha peuhmah in Police Department amanlang in hong zasakpah un ci’n WTVF panin genkhia hi.

Officer pa’n agenbehna ah thautawipa in amasa in Restaurant apualam ah mi 2 thautawh kaplum masa hi. Tuakhit ciangin Restaurant sungah lutphei in asungah atu Patrons te kapphei leuleu a, tualai ah mi 1 peuhmah siding hi ci’n genkhia hi.

Tua Waffle House kuamsung ah aom te’nzong puansilhlo guaktang pasalkhat tua kuamteng ah kamukha uhhi ci’n genkhia uhhi.

Waffle House ah Director of PR and External Affairs asemlaitak ahi Pat Warner in agenkhiatna ah hih buaina hangin Nashville muntuamtuam aom Waffle House pan Management te’nzong huhding uh cihi. Tualo adang dotna khempeuh pen Metro Nashville Police Department te tungah nadong uh ci’n genkhia hi.

More: Pakistan gamsung ah Christian innkuankhat sungpanin mi 4 thautawh kikaplum

Waffle House family te adingin ki khasiatpih, ki lunghimawhpih mahmah a, akua mapeuh in thungetna ah helciatni ci’n Pat Warner in genbeh hi. Thautawipa pen matding in kumpi thunei te’n azonsan laitak uh ahihi. Sawltak #zomidaily