US, Nashville pan Tg. Cin Sawm Thang (Tuimang, Guite beh) in hongnusia

US, Nashville pan Tg. Cin Sawm Thang (Tuimang, Guite beh) in hongnusia

DAHPIHNA LAI (CONDOLENCE LETTER) Mangpha Tg Cin Sawm Thang, Guite Beh, Kum 29

Tuimang Khuami Nashville,TN USA ateng Tg Cin Sawm Thang in abeisa November 12,2018 in dam lohna tawh Nakhaksa in aom na in pan ongnusia cihthu izaakmanin ZIUSA kipawlna mintawh nakpitakin kidahpih kilainatpih hi.

Tg Sawm Thang pen abeisa 2012 kumin Pasian lamhonsakna tawh USA ongtung ahihi,Tg Sawm Thang pen USA leitang tunga ong nusia Zomi Unau laizom khat ahihmanin dahpihna lainatpihna lahna in ZIUSA kipawlna in paakkual $150 man khattawh mangpha khakna kinei ding hi.

Tg Sawm Thang tawh anunungpen hunzatkhop na ding ong tungding Friday 11/16/2018, 9:00am to 1:00pm hun-in Funeral service Spring hill funeral home 5110 Galatin Pike S,Nashville,TN 37216 ah Zomi Pentecostal Church makaih na tawh hehnep hunbawlkhopna kinei dinga Rev. Michael Lian in Pasian kammal tawh hanthotna ongneih dinga tuakhitciangin hanmualah vuina kineidinghi.

Tg Sawm Thang ong nusiatna hanga adahakap sangam tanau meltheih khuapih tuipih beh leh phung akuamakhempeuh I biak Pasian in a makiangpana ongpai khasiangtho in ong hehnem tek henla aluang khituite ong nulsakin lungnop tawldamna ong guat kimciat nading ZIUSA kipawlna in thu kingetpih hi.

Dahpihna Lianpitawh, Mun Mang Genvai tanupi
ZIUSA Genvai Tanupi Contact
Pu Mun Mang
1706 8th Ave, Apt.304, Oakland CA 94606