NASA te’ SOHO in baan li nei UFO maan zaih kha

NASA te’ SOHO in baan li nei UFO maan zaih kha

Sept. 17, 2016: NASAte’ Solar and Heliospheric Observatory (SOHO) maanbu/maan lakna (camera) in baan gol bembam li nei (gigantic four-armed) kuangleng i cihte Unidentified Flying Objects (UFO) khatin Ni kianga a len lai mu-in maan na zaih hi.

ufo Inquisitr reports in a genna ah aliens cihte tuanna dinga ki-ummawh UFO thu lim tak-a kantel ten (researchers) hih baan gol bembam li nei UFO in Ni leh Leitung kikal-a om ‘L1 gravitational balance point’ ah hong lenna a khat veina hilo-in li veina hi ta a, SOHO cameras in 2011, 2012 leh 2016 (tu kumin nih vei) in maan a zaihna hi ta hi. Tua hi napi NASA ten hih thu kitel takin gen khia nuam lo uh hi ci hi.

SOHO satellite pen NASA leh European Space Agency (ESA) kipawlin “halo orbit point L1” kicihna mun-ah kikoih a, Leitung hun man lianlian ‘Earth near-real-time data’ kici tawh Ni leh a kiim (solar system) leh mun awng (space) sunga khuahun (space weather) gen kholhna dingin a neih uh leh a zat uh ahi hi.

UFO kimu pen NASAte’ SOHO LASCO C2 camera in man a zaih hi a, a khutte sau mahmah ahih manin tua UFO in a khutte pen kizopna signal ngah theihna ding (communication antennae) dingin a zat hi ding hi ci-in UFO bengte/kannte (UFO hunters) ten a ummawh thu gen uh hi. Hih UFO lim leh mel pen leitunga sattellite kibawl khia masa pen Russiate’ Sputnik 1 tawh kibang pian hi. SOHO in a maanzaihna lim pen YouTube ah UFO hunters Streetcap1 leh UFOvni2012 ten September 12, 2016 in post uh hi. Na muhnop leh hih a nuai-a linkte panin na en in.

-Your News Wire/ Thang Khan Lian