Najib innsungpan sum akimanteng kisimkhinta, RM114 Million pha

Najib innsungpan sum akimanteng kisimkhinta, RM114 Million pha

Abeisa in Malaysia gamsung ah Prime Minister asemlui Najib Razak ii omna innte tawh akizom muntuamtuam panin sumlom bekbek ip 35 Bags kimankhia hi. Tuasum tepen tamlua mahmah in, avekin akisimsim ciangin RM114 Million (US$29 Million) pha cih CNA pan kiza hi.

Malaysia’s Commercial Crime Investigation Department (CCID) ah makaipi asemlaitak ahi Amar Singh inzong hihvaitawh kisai in zanni Friday ni in genkhiatna neihi.

Sum tuazah banah suangmanpha leh vanmanpha tuamtuam ahi Jwellery leh Watches cihtezong ip 37 Bags tak kimanhi ci’n News Conference ah genkhia hi. Tua vanmanpha tepen asum amanzahding kituatthei nailo hi.

CCID makaipipa Amar Singh in agenbehna ah tua sumtepen leitung summanpha tuamtuam Currencies nam 26 hi a, abeisa May 18 ni in Anti-money Laundering Law tawh kizui in akimankhia cihi. Sum akimankhia lakah atamzaw pen Singapore Dollar leh Malaysian Ringgit ahihi.

Kuala Lumpur khuapisung Pavilion Residences aom Najib Razak tawh akizomkha Apartment mun 3 takah abeisa May 18 ni in Police te’n buluhna nei uh a, tuapan in Jewellery, Designer Handbags, Shoes, Watches, Cash cihbang vanmanpha leh sum avekin akigawm in ip 284 Boxes tak matkhiatsak uhhi.

Tua Apartment tepen Najib ii atapa leh atanu te omna kici a, adang khatzaw penah kuamah omlo cihi.

Sumlom akimankhia tepen sumsim asiam mahmah Bank Officers 22 takin May 21 panin May 23 sungteng simngekngek uh cihi. Sumsim nadingin Money Counting Machine 11 tak zang uhhi. Tua Bank Officer tepen Bank Negar Malaysia (Central Bank) panin Bank Officer 21 leh Bank Islam Malaysia panin Bank Officer khat, akigawm in mi 22 takin ni 3 sungbang sum asim ngekngek uh ahihi.

More: Thai gamsung ah Bus tuahsia in meikuanggawp, Myanmar 21 in sihlawh

Sumkhempeuh avekin akisim khitciangin Bank Negara Malaysia ah kipuaksuak hi. Amanpha mahmah Brand minthang Bags tepen hermes Brand vivepian hileh kilawm hi. Tua akiman Bags te Photo kizaihding a, Paris aom company te kikhak in, sitciansakna kineiding hi ci’n CCID makaipipa in genbeh hi. Sawltak #zomidaily