Na thungetna leh vantung mite ~ Tdkhen

Na thungetna leh vantung mite ~ Tdkhen

Na thungetnate hong dawn nadingin Pasian in na kisapna bangbang a sem dingin vantungmite nang’aadingin hong sawl ding hi.

1. Khuahun tawh kisai ahi zongin, khualzinna ah ahi zongin, nasep haksa hong huh nading ahi zongin, na nasepna-ah na matelh nading ahi zongin, mite’ maipha muh nading ahi zongin, holimnate ah siam nading ahi zongin, mite hansuah thapiak siam nading ahi zongin, langpangte pau lo phunlo-a koih theihna ahi zongin, thu haksa khat peuh dawntheih ziahziah nading ahi zongin, gamtat zongsatnate panin taikhiat theih nading cih bangin hong huh thei hi.

2. Dawimangpa zawh gawpna ahi zongin, hong kisawm’simnate suksiattheihna ahi zongin, khemna pawlpawlte nan theihna ahi zongin, Satan’ nasepnate suksiat theih nading ahi zongin, Pasian’ vantungmite’ huhna na kisam kha ding hi.

3. Hun khempeuhah vantungmite’ hong cinna kisam pelmawh hi. Tuahsiatna tuamtuam lakah, huihpi guahpi lakah, gamsa lauhuai leh natna lungnote panin hong kem thei hi. Dawimangpa’ sawltak, i galte’ hong suk nadingte leh hong khemnate pan hong cing thei hi.

4. Nangma’ mimal aituamin vantungmite’ huhna na kisap dan dingte pen:

• (1) Na itte, na deihsakte hong kepsak ding hi.
• (2) Mite tawh kithuah siamna, maipha hong pia ding hi.
• (3) Thusim theihtheihna, thu khat peuhpeuh khensat theihna, thu lamlahna hong pia ding hi.
• (4) Pumpi thahat theihna, pilvan zawkna, midangte’ aading thu ngetsak nopna hong pia ding hi.
• (5) Lokhawhna, sumzon paaizonna, sepna bawlna khat peuhah hong huh ding hi.

5. Pa Pasian, Tapa Pasian, Khang Siangtho Pasian in tang takin vantungmite tawh na sem hi. Vantungmite palai bangin a kisam mite’ tungah om pahpah hi.

Vantungmite in hong huh den manin Pasian tungah lungdam i ko den ding hi. Tdkhen (Agelh: Wesley L.Duewel)