Na min in hong khaktan lo hi

Na min in hong khaktan lo hi

Nikhat pasal khat Pastor khat kiangah hong pai hi. Ka min ‘Pau Khan Niam Lelh Za Tam’ hi. Ka min in leitungah ka lawhcinloh nadingin ka ma hong khak hi ci in hong gen hi.

Pastor pa in sawtpi thu a hilhkhit ciangin a tawpna lam ah ‘Min in bangmah hong khaktanlo hi. Na minpen nang a’ hilo aa na pu leh pa te a hizaw hi. Min sungah ‘Pau Sian Kop, Sian Lam Sang, Sian Mang Sung…’ cihbang ahizongin Pasian akitap leh minhoih tampi tak om hi. Tuate zong bangmah a kuasuaklo tampi om hi.

Zogam sungah a en ve…

• a sisa- Hau Lian Kham, Cin Dom Kham te
• a nungta lai- Pau Khan En
• Khai Khan Suan
• Lang Do Khup
• Hau Do Suan
• Pau Lun Min Thang
• Pau Lian Mung
• Thuam Khan Thang
• tawmcik kong genpak hi.

Hi te a min sungah SIAN cih zong kihel beek lo hi. Lawhcing mahmah uh. Zomi leh zogam honglamto te hi. Zomi te’n nu le pa aa i neihte a minuh hoihlua cih himasa lo hi.

Min hoih sangin mi hoih thupi zaw hi. Tu ni na mintawh buai nawnken. Na min hangin ki lungneu sak ken. Na min in hong khaktan lo hi. Na min in hong lehkaihlo hi. Nang a mi na hoihleh na min hoih kisa in, zaknop a kisa ding hi lel hi’.

Tangvalpa in ‘Sia lungdam ei. Ka min hangin lunghi mawh nawnkei mah ning ei. Min tawh a lunghimawh mi pawlkhat tungah hih thusim na hilh ning maw… (tangvalpa’n a ip sung sawk in) ‘sia hih pen na niangtui man ding hi’. Lungdamlua ingh.

Pastor: ‘Niangtui man bek hikei mortor cycle khat na lei pah ning ei. Topa’n thupha hong pia hen. Siamsin Library